Keçən ay texnologiya sənayesi on minlərlə İT işçisini ixtisar etməklə tendensiyanı davam etdirir. Qeyd edək ki, Amazon, Google və Microsoft kimi nəhəng şirkətlər gəlirlərini artırmaq üçün bu addımı atanlar arasında idi. Yekun olaraq deyə bilərik ki, texnologiya şirkətləri minlərlə İT işçilərini kütləvi olaraq ixtisar etməyə davam edir. Təbii ki, bir çox ixtisarlarda olduğu kimi, texnologiya nəhənglərinin işçi ixtisar etməkdə əsas məqsədi xərclərini azaltmaqdır. Lakin bu dəfə vəziyyət biraz daha fərqlidir. Çünki, şirkətlər süni intellektdən istifadə edərək səmərəliliyi artırırlar və mütəxəssislərə ehtiyac qalmır.
Şirkətlərin kiçilməsi və ya ixtisar terminləri baş verənlərin tam miqyasını əks etdirmir. Tricur adlı mənbənin məlumatına görə, 2023-cü ildə 2 mindən çox şirkət ümumilikdə 428836 nəfəri, başqa sözlə desək gündə təxminən 1175 nəfəri ixtisar edərək işdən çıxarıb. İndi isə təkcə bu ilin əvvəlindən 45 mindən çox İT işçisi ixtisar edilib. Texnologiya şirkətləri İT işçilərini böyük miqyasda ixtisar edir. Qeyd edək ki, Telefonica şirkəti 3412 nəfəri, Xerox 3075 nəfəri, Paypal 2500 nəfəri, Microsoft 1900 nəfəri, Unity 1800 nəfəri, Google mobil bölməsi 1000 nəfəri, eBay 1000 nəfəri, Twittch 500 nəfəri ixtisar edib. Müəssisələr üçün proqram təminatının hazırlanmasında ixtisaslaşan və təxminən 8000 peşəkarı işə götürən böyük Alman şirkəti SAP da da eyni vəziyyətdir.
Ümumiyyətlə süni intellekt texnologiya sənayesində işləyənlərin işinə çox zərər vurub deyə bilərik. Təbii ki, bu hal texnologiya nəhənglərinin səmərəliliyini artırsa da, minlərlə işçinin ixtisar olunmasına səbəb olur. Hətta bir çox İT mütəxəssisi kifayət qədər maliyyə dəstəyi olmadan işsiz qalır. Hətta bu vəziyyət süni intellektdən istifadə artıqca daha da qəlizləşir.
