Süni intellekt texnologiyalarından ən çox istifadə edən şirkətlərdən biri də məhz Microsoft şirkətidir. Belə ki, Microsoft şirkəti ötən günlərdə Bing axtarış mühərrikinə süni intellektə əsaslanan çatbot əlavə etmişdi. Həmçinin texnologiya nəhəngi OpenAI şirkəti ilə ChatGPT aləti ilə bağlı da əməkdaşlıq edir. Bütün bu layihələr və əməkdaşlıqlar şirkətin illik gəlirini artıra bilər. Hətta JPMorgan Chase analitikləri də texnologiya nəhənginin gəlirinin 10 milyard dollar arta biləcəyini təsdiqləyib.
Qeyd edək ki, şirkətin səhmləri 3.2% artaraq 348 dollara yüksəlməsi onun 2021-ci ilin noyabr ayındakı rekordunu da yeniləyib. Ümumiyyətlə şirkətin gəlirlərinin artıran əsas layihələrdən biri OpenAI ilə edilən əməkdaşlıqdır. Başqa sözlə desək ChatGPT süni intellekt aləti Microsoft şirkətinin bu sahədəki gəlirlərinin əsas hissəsini təşkil edir. Son dövrlərdə bir çox şirkət iqtisadi böhrandan çıxmaq üçün süni intellekt tərəfindəki fəaliyyətlərini artırırlar. Bununla da şirkətlər iqtisadi tənəzzülün qarşısını almağa çalışırlar. Hətta texnologiya nəhəngi OpenAI ilə yeni müqavilə də imzalayıb
Microsoft və OpenAI şirkəti ChatGPT süni intelelkt alətinin təkmilləşdirilməsi ilə bağlı müqavilə imzalayıb. Belə ki, texnologiya nəhəngi bulud infrastrukturunu təmin etmək qarşılığında GPT-4 daxil olmaqla OpenAI şirkətinin süni intellekt modelləri üçün lisenziya alıb. Qeyd edək ki, Microsoft şirkətinin maliyyə direktoru Amy Hood aprel ayında Azure bulud infrastrukturunun sonuncu maliyyə rübündə 26-27% artacağını bildirib. Bununla da şirkət tarixində ən böyük gəlirlərindən birini əldə edəcək. Həmçinin şirkət səhm qiymətini 315 dollardan 350 dollara qaldıraraq gəlirlərinin artacağını bir daha sübut edib.
