Dünyanın ən böyük avtomobil brendlərindən biri olan Volkswagen MEB əsaslı 1 milyon elektromobil istehsal edib. Qeyd edək ki, alman avtomobil nəhəngi son dövrlərdə bir çox avtomobil brendi kimi elektrikli avtomobillərə daha çox diqqət ayırırdı. Hətta brend yeni ID seriyasından əlavə olaraq əfsanəvi seriyalarına da elektrikli modellər əlavə etmişdi. Volkswagen brendi Modular Electric Drive Matrix və ya başqa adı ilə MEB platformasına əsaslanan elektromobillərin istehsalına 2018-ci ildə başlamışdı.
Son 5 ildə Volkswagen brendi 1 milyon MEB əsaslı elektromobil istehsal etdiyini açıqlayıb. Qeyd edək ki, bu platforma şirkətin son dövrlərdə əhəmiyyət verdiyi ID seriyasından əlavə Audi, Cupra və Skoda kimi brendlərin elektrikli modellərini də istehsal edib. Lakin bütün bu modellər sadəcə çin bazarı üçün istehsal edilmişdi. İndi isə şirkət 1 milyonuncu elektromobili istehsal etdikdən sonra Avropa və ABŞ bazarı üçün də MEB əsaslı elektromobil istehsal olunacağını açıqlayıb. Lakin Volkswagen bu prosesi 2024-cü ildən sonra həyata keçirəcəyini bildirib.
Volkswagen brendi 1 milyon elektromobil istehsal etdikdən sonra hal-hazırda bazarda olan ID.3, ID.4, ID.5, ID.6 və ID.Buzz və digər elektromobillərini təkmilləşdirməyi planlayır. Həmçinin alman avtomobil nəhəngi yeni təqdim etdiyi ID.2all konseptini istehsal versiyasını hazırlayır. Belə ki, brend yeni elektromobili daha ucuz qiymətə təklif etməyi planlayır. Hətta insayderlər yeni elektromobilin 25 min avrodan daha ucuz olacağını iddia edir. Lakin qeyd edilən modelin təqdim edilməsi də 2026-2027-ci illərə planlaşdırılır. Ümumiyyətlə növbətin illərdə Volkswagen brendi elektrikli avtomobil sahəsində daha çox inkişaf edəcək.
