Müxtəlif sahələrində tətbiq olunan robotlar və digər müasir texnologiyaları ilə məçhur olunan Sinqapurda polis robotlardan istifadə olunacaq. Belə ki, 5 illik sınaq mərhələsinin sonunda artıq polis robotları istifadəyə verilib. Straits Times mənbəsinin verdiyi məlumata əsasən 1.7 metr hündürlüyündə olan cihazlar əsasən insanlara xəbərdarlıq edə biləcək. Həmçinin bu robotlar hadisə yerindən insanların uzaqlaşdırılması kimi vacib funksiyaları yerinə yetirəcək. Nəticədə isə baş verən hadisəyə polis çox qısa müddətdə müdaxilə edə biləcək.
Sinqapurda istifadəyə verilən polis robotlardan əsasən havalimanlarında istifadə olunacaq. Qeyd edək ki, bu robotlar kameralar, sensorlar, səsucaldanlar, polis siqnalı və led ekran ilə təchiz edilib. Bu isə onların rahatlıqla insanlara səs siqnalı və ekran yazıları ilə xəbərdarlıq etməsinə kömək olacaq. Hətta Sinqapur polisi artıq 2 robotdan Changi havalimanında istifadə edir. Lakin bu robotlar sadəcə Havalimanının 4-cü sektorunda fəaliyyət göstərir. Xatırladaq ki, bu robotlar ilk dəfə 2018-ci ildə Çində yeni il şənliklərində gün üzünə çıxarılmışdı. Həmin dövrdən bəri isə bu robotlar bəzi təkmilləşdirmələr əldə edib.
Ümumiyyətlə Sinqapurda istifadə olunan bu robotlar son 5 il ərzində Matar 2.0 və Matar 3.0 adlanan təkmilləşdirmələr əldə edib. Həmçinin bu robotlar bir çox sahədə sınaqdan keçirilib. Onlar nizam-intizamın qurulmasında və hadisə yerinin idarə edilməsində möhtəşəm iş çıxarırlar. Bu robotlar 2.3 metr hündürlüyə çıxa bilir. Bundan əlavə robot 360 dərəcə kameralar ilə təchiz edilmişdir ki, bu daha havalimanında və ya digər bölgələrdə vəziyyətin tam nəzarət altında olmasına imkan verir. Polislər bu robotların əlavə dəstək verdiyini bildirir. Onlar robotların çox işə yaradığından da bəhs edir.
