Təbii ki, startap və şirkətlər üçün investorları cəlb etmək o qədər də asan başa gələn prosedur deyil. Digər tərəfdən, investorları cəlb etmək və gəlir əldə etmək göründüyü qədər asan deyil. Bunun üçün peşəkarlar tərəfindən təfərrüatlı şəkildə hazırlanan təqdimatlar investorların diqqətini çəkməkdə olduqca vacibdir. Lakin belə görünür ki, ChatGPT investor üçün təqdimatlar hazırlamaqda insanlardan 3 dəfə yaxşı nəticə verir.
İnvestorlara istiqamətlənmiş “pitch deck” təqdimatlarının yaradılması çətin məsələdir. Çünki, investisiya cəlb etməkdə bu təqdimatlar layihənin vizyonunun çox effektiv nümayişini tələb edir. Perspektivli biznes planının və trayektoriyasının təqdim edilməsində isə bəzi detallar hər bir sahədə eyni olmadığından çox ciddi dünyagörüşü tələb edir. Məhsuldar süni intellektin işimizə daxil edilməsi ilə bu detallı prosesdə olduqca effektivlik göstərib. Bundan əlavə, məlumatlar keyfiyyət baxımından xeyli diqqət çəkən görünüb.
Clarify Capital resursu 250 investor və 250 biznes sahibindən süni intellekt ilə yaradıldığı barədə iştirakçılara məlumat vermədən, insan tərəfindən və ChatGPT, daha doğrusu GPT-4 dil modeli tərəfindən yaradılan bir sıra təqdimatları qiymətləndirməyi xahiş etdi. İşləri daha da qəlizləşdirmək üçün insan tərəfindən yaradılmış təqdimatlar xüsusilə keçmişdə investisiya almış uğurlu təqdimatlardan seçildi.
Nəticələr göstərdi ki, GPT-4 təqdimatları nəinki insanlar tərəfindən edilənlərdən daha effektivdir, süni intellektlə yaradılan təqdimatlar keyfiyyət, əsas elementlərin izahı və problemin həlli baxımından insan təqdimatlarını üstələyib. Sorğunun nəticələrinə görə, investor və biznes sahibləri ChatGPT təqdimatını oxuduqdan sonra insan təqdimatına nisbətən 3 dəfə daha çox sərmayə ayırmaq təşəbbüsü göstərdilər və AI tərəfindən yaradılan təqdimatları insanlarınkından 2 dəfə daha çox güvənli hesab etdilər. Üstəlik, bu mütəxəssislərin beşdə bir hissəsi süni intellekt tərəfindən yaradılan təqdimatlara 10.000 dollar daha çox investisiya da ayıra bilməklə bağlı təklif etdi. Həmçinin maliyyə, marketinq və investisiya da daxil olmaqla müxtəlif sənaye sahələrində təqdimatların effektivliyinin yoxlanılması baxımından GPT-4 bütün sektorlarda investisiyaların təmin edilməsində daha uğurlu oldu.
Proses zamanı hansı GPT-4 əsaslı AI çatbotunun istifadə edildiyi isə naməlumdur.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
