Dəyərinin 2030-cu ilə qədər 5 trilyon dollara çatacağı gözlənilən Metaverse 2022-ci ilin ən mübahisəli və bir o qədər də populyar texnologiyasına çevrildi. Hər gözlənilməz yenilikdə olduğu kimi bu texnologiya da çaşqınlıqlara səbəb oldu. İndi isə gözlənilən an gəldi. Belə ki, dünyanın ən böyük şirkət və təşkilatlarından bəziləri mübahisəli metaverse texnologiyası ilə bağlı Metaverse Standards Forum tərtib etdilər.
Metaverse Standards Forum qurucu şirkətləri:
- 0xSenses
- Academy Software Foundation
- Adobe
- Alibaba
- Autodesk
- Avataar
- Blackshark.ai
- CalConnect
- Cesium
- Daly Realism
- Disguise
- Enosema Foundation
- Epic Games
- Express Language Foundation
- Huawei
- IKEA
- John Peddie Research
- Khronos (İdarəçi üzv)
- Lamina1
- Maxon
- Meta
- Microsoft
- NVIDIA
- OpenAR Cloud
- Open Geospatial Consortium
- Otoy
- Perey Research and Consulting
- Qualcomm Technologies
- Ribose
- Sony Interactive Entertainment
- Spatial Web Foundation
- Unity
- VerseMaker
- Wayfair
- Web3D Consortium
- World Wide Web Consortium
- XR Association (XRA)
Metaverse Standards Forum hansı məqsədlə yaradıldı?
Metaverse üzərində qurulan bu ilk böyük təşkilatın əsas məqsədi şirkətlərin platformalar arası sistemləri qurmasına imkan verməkdir. Məsələn, bunun vasitəsilə Decentraland adlı metaverse kainatında istifadə edilən kriptovalyuta MANA, Horizon Worlds Meta kainatında istifadə edilə biləcək və ya Ethereum bütün kainatlarda etibarlı bir valyuta kimi qəbul ediləcək. Əlbəttə ki, bu razılaşmanın tək məqsədi iqtisadiyyat deyil. Qısacası metaverse sahəsində bütün yeniliklər və texnologiyalar üçün standartları təyin edən bir qurum olacaq.
Metaverse Standards Forum kimin tərəfindən idarə edilir?
Təşkilatın idarəçiliyi Microsoft və ya Huawei kimi öz faydasını düşünən şirkətlərə həvalə edilməyib. Ədalətin və rəqabətin davamlı olması üçün forumun meneceri 160 müxtəlif şirkətin üzv olduğu 3D qrafika texnologiyaları sahəsində standartları müəyyən edən Kronos Konsorsiumu olacaq.
Forum-a qatılanları nə gözləyir?
“Help us Open Build the Open Metaverse” yəni “Açıq metaverse qurmaqda bizə kömək edin” çağırışı ilə qurulan təşkilata kommersiya məqsədli şirkətlər eyni zamanda qeyri-kommersiya qurumları, təşkilatları, assosiasiyalar, fondlar və hətta universitetlər də qatıla bilər. Forumda üzvlüyün 2 səviyyəsi var: İşritakçı & Əsas
İştirakçı üzvlər təşkilat çərçivəsində forum müzakirələrində və layihələrdə rol oynaya biləcəklər. Əsas üzvlər isə forum layihələrini maliyyələşdirəcək və forumun köməkçiləri olacaqlar.
Metaverse Standards Forum ilk iclaslarına 2022-ci ilin iyul ayında başlayır. Bu görüşlərdə iştirak etməklə iştirakçı üzvlər öz fikirlərini bildirəcək, hesabatlar təqdim edəcək və ekosistemin inkişafına töhfə vermək hüququ qazanacaqlar. Gələcəkdə forum çərçivəsində hackhaton kimi kütləvi tədbirlər təşkil olunacaq ki, bu da metaverse ilə bağlı problemlərin həllini və standartların tətbiqini asanlaşdıracaq.
