Huawei şirkətini yeni problemlər gözləyir. Belə ki, ABŞ dövləti Çin şirkətini öz hərbi bazalarını və raket silolarını izləməkdə şüphəli bilir. Həmçinin məlumatların çin dövlətinə ötürüldüyü iddia olunur.
ABŞ prezidenti Co Bayden-nin administrasiyası Çinin telekommunikasiya avadanlığı istehsalçısı olan Huawei şirkətinə qarşı araşdırmalara başlayıb. Əsas səbəb ABŞ mobil rabitə qüllələri ilə bağlıdır. Hansı ki, Çin şirkətinin avadanlıqları ilə təchiz olunub. İddialara görə bunun hesabına hərbi hissələrdən məxfi məlumatları toplamaq mümkündür.
Huawei şirkətini nədə günahlandırırlar ?
Amerika dövləti narahatdır ki, Huawei şirkəti hərbi təlimlər, hərbi hissələrin və şəxsi heyyətin hazırlıq səviyəsi ilə bağlı məxfi məlumatlar əldə edə bilər. Bu haqqda məlumat anonim qalmaq istəyən mənbələrdən biri tərəfindən verilib. Bu araşdırma məxfi olduğu və milli təhlükəsizlik problemləri ilə birbaşa bağlı olduğu qeyd edilir.
Tədqiqatlar Co Bayden 2021-ci ildə prezident vəzifəsində gəldikdən etibarən başladılıb. Həmçinin Çin şirkəti ötən il məlumatların ötürmə siyasəti (mesajlar və geolokasiya məlumatları daxil olmaqla) ilə əlaqədar məhkəməyə çağırılmışdır.
Çin şirkətinin iddialar ilə bağlı açıqlaması
ABŞ dövləti tərəfindən cəsusluq iddiasını Huawei şirkəti isə birmənalı olaraq rədd edib.
Çin hökumətinin Vaşinqtondakı səfirliyi növbəti bəyanatı paylaşıb:
ABŞ hökuməti milli təhlükəsizlik anlayışından və dövlət səlahiyyətindən sui-istifadə edir. Bununla Huawei şirkətini və digər Çin telekommunikasiya şirkətlərini sıxışdırır. Bizim ABŞ höküməti və ya digər ölkələr üçün təhlükə riski yaratdığımıza dair heç bir etibarlı sübut təqdim edilməyib.
Əgər Ticarət Nazirliyi, Huawei şirkətinin milli təhlükəsizliyə təhdid yaratdığına qərar verərsə, şirkətə qarşı yeni və daha da sərt sanksiyalar tətbiq oluna bilər. Bununla ABŞ və Huawei arasında bütün əlaqələr kəsiləcək. Həmçinin, ABŞ-dəki mobil operatorlar və digər şirkətlər, hələ də Çin şirkətinin avadanlıqlarından istifadə edirlər. Həmin şirkətlər də avadanlıqlardan sürətlə imtina etməli olacaqlar. Əks halda ciddi cərimələr və ya sanksiyalar ilə üzləşəcəklər.
