Xiaomi smartfonları ilə bağlı əvvəlcədən məlumatlar verməsi ilə tanınan xiaomiui resursu, MIUI 14 interfeysini əldə edə biləcək cihazların siyahısını hazırlayıb. Verilən məlumata görə yeni interfeysin inkişaf prosesi Android 12 əməliyyat sistemi əsasında qurulub. Yəni hal-hazırda Android 11 əməliyyat sisteminə sahib cihazınız varsa və bu versiyadan sonra cihazınıza Android 12 gəlməyəcəksə, MIUI 14 interfeysi sizin üçün əlçatan olmayacaq. Çox təəssüf ki, çoxlarının işlətdiyi Mi 9 seriyası, Redmi Note 9 seriyası, Redmi Note 8 seriyası və.s yeni MIUI interfeysini almayacaq.
MIUI 14 interfeysi Xiaomi 13 seriyası ilə birlikdə 4 ay sonra təqdim ediləcək. Uyğun olaraq 2023-cü ilin ilk rübündən başlayaraq Redmi, POCO brendlərinə və Xiaomi brendinin digər aşağı səviyyəli modellərinə göndərilməyə başlanacaq. Xiaomi firmasının kamera tətbiqindən tutmuş, sistem animasiyalarına qədər bir çox şeyi yenidən işlədiyi bildirilir. Yeniləməni almayacaq cihazlara bəzi xırda xüsusiyyətlər MIUI 13.5 aralıq yeniləməsi ilə bu il sonuna qədər gələ bilər. Lakin bu barədə sizinlə dəqiq bir fikir bölüşə bilmərik. Yeni əməliyyat sisteminin nə qədər uğurlu olacağını isə zaman göstərəcək.
MIUI 14 alacaq cihazların siyahısı bunlardır
Xiaomi brendinə aid modellər
- Xiaomi 12 seriyası
- Xiaomi 11 seriyası
- Xiaomi MIX 4
- Xiaomi MİX Fold
- Xiaomi MIX Fold 2
- Xiaomi Civi seriyası
- Xiaomi Mi Note 10 seriyası
- Xiaomi Mi 10 seriyası
- Xiaomi Pad 5 seriyası
Redmi brendinə aid modellər
- Redmi Note 11 seriyası
- Redmi K50 seriyası
- Redmi K40 seriyası
- Redmi K30 seriyası
- Redmi Note 8 (2021)
- Redmi Note 10 seriyası
Redmi brendinə aid modellər
- POCO M2 seriyası
- POCO M3 seriyası
- POCO M4 seriyası
- POCO X4 Pro 5G
- POCO X3 seriyası
- POCO F3 seriyası
- POCO F4
- POCO C40 / C40+
