Rusiyanın “NTC IT Rosa” şirkəti yaxın gələcəkdə çıxacaq mobil əməliyyat sistemi üzərində işləyir. Bu əməliyyat smartfonlardakı əməliyyat sistemlərinin alternativi kimi istifadə oluna bilər.
Şirkətin baş direktoru Oleg Karpitskiy ƏS hazırlanmasını təsdiqləyib:
“Biz əldə etdiyimiz nəticəni yaxın zamanda bazara təqdim edəcəyik. O zaman artıq biz təfərrüatlar haqqında danışmağa hazır olacağıq
“NTC IT Rosa” şirkəti 2011-ci ildən yeni ƏS üzərində çalışır ?
“NTC IT Rosa” şirkəti 2014-cü ilin sonunda “Rosa Mobile” proqramı ilə bağlı hüquqlarını qeydiyyatdan keçirmişdi. İddia olunur ki, 2011-ci ildən etibarən yeni mobil ƏS yaratmaq cəhdləri edilir. Həmən ərəfədə şirkətin baş direktor vəzifəsində çalışan Vladimir Rubanov prosesin necə getdiyini izah edib. “Həmən dövr üçün yeni arxitektura ilə işləyən prototiplər uğurla hazırlanmışdı. Lakin 2014-cü ildə strategiya planında dəyişikliklərə görə işləri dayandırdılar. Hal-hazırda hazırlanan yeni ƏS həmən dövrün işlərin davamı olub-olmadığını deyə bilmərəm”.
Hal-hazırda Rusiya proqram təminatı reyestrinə mobil qurğular üçün yeni bir əməliyyat sistemi daxil olunub – “Avrora”. Qeyd edək ki, bu ƏS Finlandiyanın Sailfish əməliyyat sisteminə əsaslanır. Gələcəkdə Kaspersky Laboratoriyası da öz əməliyyat sistemini yaradacaq, lakin bunun indiki vəziyyətdə heç bir nəticə yoxdur.
Yeni proqram təminatı haqqında hansı məlumatlar var ?
Gələcək əməliyyat sistemi haqqında demək olar ki heç bir məlumat yoxdur. Eyni zamanda LiveInternet yaradıcısı German Klimenko tərəfindən verilən məlumata görə, yeni sistem əvvəlcədən istifadə ediləcək smartfon üçün hazırlanmalıdır. Mütəxəssisin sözlərinə əsasən, hazır smartfonu götürüb və quraşdırılmış Android əməliyyat sistemini silib yerinə Avroranı quraşdırmaq mümkün deyil. Smartfona öncədən hər hansı əməliyyat sistemi quraşdırılmamalıdır.
Əlavə olaraq mütəxəsis qeyd edib ki, Rusiyada sıfırdan ƏS yığmaq çox bahadır, alternativlər belə “HarmonyOS belə olsa” olsa müəyyən qədər Android əməliyyat sisteminə əsaslanır. Ona görə də bənzər prinsipə uyğun və Rusiya üçün daha təhlükəsiz əməliyyat sistemi hazırlamaq olar.
Kompüter və İnformasiya Texnologiyaları Müəssisələri Assosiasiyasının (APKIT) icraçı direktoru Nikolay Komlevin sözlərinə görə yeni ƏS lazımdır, lakin onun gələcəyi hələ də qeyri-müəyyəndir:
Nikolay Komlev
“Əlbəttə ki, dövlət qurumlarında xarici əməliyyat sistemlərini əvəz etmək lazımdır. NTC IT Rosa şirkətinin məhsulları ümumiyyətlə işlək və orijinaldır. Lakin Rusiya indi texniki təchizatdan kəsildiyi üçün belə bir sistemin istehlak bazarına və daha vacib olan qlobal bazara çıxması çətin olacaq. Bunsuz isə kommersiya baxımından uğur qazana bilməyəcək”.
Qeyd edək ki, hal hazırda NTC IT Rosa şirkətinin masaüstü kompüterlər və serverlər üçün ROSA “Kobalt” və ROMA Chrome əməliyyat sistemləri var .
