Daim rəqabətdə olan Google və Microsoft bu dəfə yeni bir hesabatda gündəmə gəlib. Belə ki, ABŞ mərkəzli texnologiya nəhəngi Google, öz hesabatında bildirib ki, Microsoft müştərilərini kiberhücumlardan qoruya bilmir. Bundan əlavə, texnologiya nəhəngi hesabatında Microsoft-un təhlükəsizlik zəifliklərinə və ya boşluqlarına da toxunub.
Microsoft-da yaşanan kibertəhlükəsizlik problemlərinin sayı son zamanlar artmaqdadır. Google tərəfindən dərc edilən yeni hesabat burada problemi tam olaraq göstərir. Axtarış nəhəngi Google, Microsoftun öz sistemlərini eləcə də, müştərilərinin məlumatlarını kiberhücumlardan qoruya bilmədiyi vurğulayır. Google öz hesabatında Çin hakerlərinin keçən il Microsoft Exchange sistemlərinə sızmasına diqqət yetirir. Şirkət təhlükəsizlik pozuntusunu ictimaiyyətə dəqiq şəkildə açıqlaya bilmədiyi üçün Microsoft-u tənqid edir.
Google həmçinin vurğulayır ki, Microsoft hələ də təcavüzkarların Exchange sistemlərinin açarlarını necə əldə etdiyini bilmir və şirkət özünü və müştərilərini kiberhücumlardan qoruya bilmir. Digər tərəfdən Google, Google Workspace-i vurğulayaraq, həm biznes, həm də dövlət sektoru təşkilatları üçün daha yaxşı alternativin lazım olduğunu söyləyir. Axtarış nəhəngi Microsoft xidmətlərindən Google Workspace Enterprise Plus-a keçənlərə xüsusi endirimlər təklif edir. Xatırladaq ki, ötən ilə şirkət tərəfindən yanlışlıqla 38TB məlumat sızdırılmışdı. Hazırda Microsoft şirkəti, Google-un hesabatında toxunduğu mövzulara cavab bildirməyib.
