Çin bu dəfə Haynan əyalətinin Lighsui şəhərində dünyanın ilk sualtı məlumat mərkəzi layihəsini həyata keçirir. Belə ki, soyutma xərclərinə qənaət etmək üçün hazırlanan bu layihə hazırda işə salınıb. Qeyd edək ki, sualtı məlumat mərkəzinin ikinci bloku bu yaxınlarda işə salınıb. Hətta kapsulun çəkisi 1300 tondur və təxminən 35 metr dərinlikdə yerləşir. Kapsulun suya enməsi isə təxminən 3 saat çəkir.
Ümumiyyətlə bu gün texnologiya sahəsi inkişaf etdikcə yeni prossorlar, qrafik kartlar və digər ləvazimatlar lazım gəlir. Məhz bu cür kompüter texnologiyalarının birgə fəaliyyət göstərməsi isə həddindən artıq isinməyə gətirib çıxarır. Hazırda soyutma xərcləri pul israfı kimi dəyərləndirilir. İlk dəfə OpenAI öz süni intellekt serverlərini isinmədən xilas etmək üçün buna oxşar layihəyə əl atmışdı. İndi isə Çin dünyanın ilk sualtı məlumat mərkəzi layihəsi ilə soyutma xərclərini demək olar ki, sıfıra endirir.
Layihə rəhbərinin sözlərinə görə, təbii soyutma mənbəyi kimi qravitasiya istilik boruları texnologiyası və dəniz suyundan istifadə edilib. Bütün bunlar məlumat mərkəzlərinin enerji səmərəliliyini normal məlumat mərkəzləri ilə müqayisədə 40-60% artırır. Belə bir qurğunun performans baxımından 60.000 adi fərdi kompüterlə müqayisə oluna biləcəyi iddia edilir. O, cəmi 30 saniyə ərzində 4 milyondan çox yüksək keyfiyyətli təsviri emal edə bilir. Ümumilikdə isə layihə 100 belə qurğunun quraşdırılmasını nəzərdə tutur ki, yekun kompleks 6 milyon fərdi kompüterə bərabər olacaq. Habelə layihə çərçivəsində ildə 105 min tona qədər şirin suya qənaət olunacaq.
