Huawei bir neçə ildir ki, ABŞ-nin 5G və yüksək texnologiyalar üçün məhsullar üzrə ixrac məhdudiyyətləri ilə üzləşir. Lakin bu məhdudiyyətlər 5G texnologiyası olmayan təminatın ixracı ilə bağlı bəzi boşluqlara sahib idi. Məhz bu səbəbdən Qualcomm kimi şirkətlər 2020-ci ildən Huawei şirkətinə öz mobil çipsetlərinin 4G variantını satmağı bacarmışdı. İndi isə Financial Times resursu öz mənbələrinə istinadən xəbər verir ki, ABŞ prezidenti Baydenin administrasiyası Amerika şirkətlərinə Huawei şirkətinə ixrac üçün istənilən lisenziyası verilməsini dayandırıb.
ABŞ tərəfindən ixrac lisenziyasl ilə bağlı atılan bu addım Huawei və Qualcomm əlaqələrini tamamilə bitirə bilər
Məsələ ilə tanış olan şəxs bildirib ki, ABŞ rəsmiləri Huawei üçün 4G bağlantı texnologiyaları, Wi-Fi 6 və 7, süni intellekt və yüksək sürətli hesablama həlləri, bulud həlləri o cümlədən 5G səviyyəsindən aşağı olan elementlər başda olmaqla təmin edilməsi ixrac lisenziyası verilməsi ilə bağlı imtina siyasəti yaradıblar.
Xatırladaq ki, ABŞ-nin əvvəlki prezidenti Donald Tramp administrasiyası Huawei şirkətinə qarşı texnologiya ixracına ciddi məhdudiyyətlər qoyub, lakin Ticarət Departamenti bəzi şirkətlərə 5G kimi qabaqcıl texnologiyalara aid olmayan məhsullara lisenziya verməyə davam edib. İndi belə lisenziyaların alınması mümkün olmayacaq. Mövzu ilə bağlı Huawei, əsas tədarükçüsü Qualcomm və ABŞ Ticarət Nazirliyi heç bir rəsmi açıqlama vernəyiblər. Nəticədə vəziyyətin necə olacağı sual altındadır. Ola bilsin şirkət bundan sonra MediaTek Dimensity həllərinə yönələcək. Lakin dolayı məhdudiyyətlərlə o istiqamətdə də şirkətin bloklanıb-bloklanmayacağı maraq doğurur.
