Notbuk istehsal edən şirkətlər arasında əvvəllər Fujitsu brendi Siemens ilə yollarını ayırdıqdan sonra işlər çox da yaxşı getmədi. İllər əvvəl bazarda Fujitsu istehsalı notbuklarlaa tez-tez rastlaşmaq olurdusa son illərdə yeni notbuklarla qarşılaşmaq xeyli çətindir. Buna baxmayaraq Fujitsu brendi bazardan hələ də tam yox olmuş şirkətlər arasına daxil deyil. Hətta brend ötən dünyanın ən yüngül 14 düymlük notbuku ilə diqqətləri öz üzərinə toplamağı bacarıb. Lakin çox təəssüf ki, Fujitsu istehsalı 689 qram çəkili UH-X/H1 modelinin çəkisi azalsa da qiyməti bir o qədər yüksəlib.
Fujitsu UH-X/H1 modelini almaq istəyənlər 1850 dollar ödəməlidirlər
Cihazın çəkisinin az olması onun istehsalında istifadə olunan materiallarla əlaqədardır. Noutbukun qapağı karbon lifindən, gövdəsi maqnezium-litium ərintisindən, klaviatura isə davamlı və yüngül maqnezium ərintisindən hazırlanıb. Fujitsu UH-X/H1 modelinin qalınlığı isə qalınlığı 17,3 mm təşkil edir.
Performans baxımından notbuk öz gücünü Intel Core i7-1355U prosessorundan alır. Normal olaraq xarici ekran kartı mövcud deyil. 16GB LPDDR5 operativ yaddaşa və 512GB PCle 4.0 SSD ilə təchiz edilib. 14 düymlük ekranın tipi IPS LCD olub, 60Hz tezliyə malikdir. USB 3.1 Type-C, USB 3.0, HDMI, Gigabit Ethernet bağlantılarını dəstəkləyir. Wi-Fi 6E və Bluetooth 5.1 üçün də dəstək var. Şirkətin verdiyi məlumata görə, noutbuk təxminən 11 saat batareya ömrü təklif edir. Notbuk 9 mart tarixindən etibarən satışa çıxarılacaq. Təbii ki, qiymətinin 1850 dollar olduğunu nəzərə alsaq böyük bir ehtimalla satış ədədləri çox aşağı zəif olacaq.
