Homdom.az platforması barədə danışmamışdan əvvəl gəlin sizə ilk olaraq PropTech anlayışından bəhs edək. PropTech sözü hərfi mənada “Property” və normal olaraq texnologiya sözünün birləşməsi ilə ortaya çıxmışdır. Hərfi tərcüməsi dilimizə “əmlak” texnologiyaları kimi gəlsə də, əslində mülkiyyətin bir çox sahəsini əhatə edir. Bu sektorun əhəmiyyəti lazım olan sənədləri və məlumatları elektron formada rəqəmsallaşdırılmış platformalar hesabına daha sürətli emal etməklə mülkiyyətlə bağlı xidmətləri innovativləşdirməkdir.
Digər bir tərəfdən əmlak alışı və satışı zamanındakı proseslər də PropTech ilə daha asan formaya gəlməlidir. Təbii ki, burda da təməl olaraq Fintech sektorundakı şirkətlər PropTech ilə əlaqələnərək öz ödəmə və maliyyə xidmətləri hesabına vacib oyunçuya çevrilirlər. Hal-hazırda PropTech sektoru insanların və belə platformaların tam hazır olmaması səbəbindən çox inkişaf etməyib. Lakin bu o demək deyil ki, ölkəmizdə PropTech həllər təklif edən platforma yoxdur.
Homdom.az nə təklif edir?
homdom platforması həm elan yerləşdirənlərə, həm müştərilərə, həm də vasitəçilərə ideal şərait yaradır. Məsələn, ən xırda detala nəzər salsaq evin liftinə, tavanın hündürlüyünə qədər dərin axtarış imkanı verir ki, bu üstünlük digər saytlarda yoxdur. Digər saaytlarda yalnız fotoşəkillər qoyulsa da, homdom platforması saytda video və hətta 3D layihəni də əlavə etməyi təklif edir. İpoteka krediti ilə mənzil almaq üçün bankların saytına və.s. ehtiyac qalmır. Elə satış elanının özündəcə siz ipoteka kalkulyatoru ilə aylıq ödənişinizi rahat hesablaya bilərsiniz.
Belə ki, verilən məlumata əsasən Homdom layihəsi fəaliyyətini daha da təkmilləşdirmək məqsədi ilə 6 rəqəmli investisiya cəlb edir. İnkişaf strategiyasının ilkin istiqamətində bu ilin birinci yarısı ərzində bəzi addımların atılması planlaşdırır. Xüsusilə yeni atılması hədəflənən addımlar platformanın PropTech tərəfinin inkişafına təkan verəcək.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
