Huawei şirkətinin tarixi uğuru ciddi problemlərlə üzləşir. Bildiyimiz kimi ötən günlərdə şirkət çində yeni Mate 60 seriyasını təqdim etmişdi. Yeni cihazın ən diqqət çəkən parçası isə tamamilə yerli olan Kirin 9000s prosessoru olmuşdu. İndi isə ABŞ Huawei tərəfindən hazırlanmış Kirin 9000s çipsetinin qadağan olunmuş texnologiyalar əsasında hazırlandığını düşünür. Məhz bu səbəbdən ABŞ rəsmiləri çin smartfon istehsalçısının sanksiyalarla məhdudlaşdırılan texnologiyalardan istifadə edib-etmədiyini öyrənmək üçün araşdırmaya başlayıb.
Ümumiyyətlə ABŞ uzunmüddətdir ki, Huawei ilə mübarizədədir. Belə ki, smartfon istehsalçısı bundan əvvəl də bir neçə dəfə sanksiyalara məruz qalmışdı. Hətta bu səbəbdən HarmonyOS əməliyyat sistemini hazırlayaraq asılılığını aradan qaldırmışdı. İndi isə çin nəhəngi tarixi uğura imza ataraq tamamilə məhdud resurslardan istifadə edərək özünün Kirin 9000s çipsetini hazırlayıb. ABŞ isə hələdə Huawei brendinin Kirin 9000s ilə əldə etdiyi bu nailiyyəti həzm edə bilmir. Belə ki, abş bu çipsetin qadağan edilmiş SMIC 2-ci nəsil 7nm istehsal texnologiyasından hazırlandığını düşünür. Əgər huawei həqiqətəndə ixrac lisenziyası olmadan bu texnoligiyadan istifadə edərək çipset hazırlayıbsa ciddi cəzalara məruz qala bilər.
Maraqlısı budur ki, Huawei tərəfindən hazırlanan bu çipset tarixi uğur olsa da, reklam edilmir. Yalnız bloqerlər yeni seriyanın Kirin 9000s çipsetləri ilə təchiz edildiyini ortaya çıxardıqdan sonra məlum olub ki, çinli smartfon istehsalçısı tarixi uğura imza atıb. Bundan əlavə 7nm-lik yeni çipset Qualcomm şirkətinin Snapdragon 888 çipseti ilə performans baxımından mübarizə aparır. Həmçinin bu çipset Mate 60 seriyalı smartfonlarda 5G bağlantısı da təklif edir. Bundan əlavə qeyd edək ki, Abş tərəfindən yeni çipset araşdırılmağa başlandıqdan sonra çinli yarımkeçirici istehsalçılarının səhmləri 20% dəyər qazanıb.
