Startup Grind Baku tərəfindən bu gün Sabah.Lab Akselerasiya Mərkəzində bu ilin dördüncü görüşü baş tutdu. Ötən gün Startup Grind tədbirimiz olan Uğur Hekayəsi mövzusu ətrafında keçirildi. Görüşün əsas spikeri Dr. Rahul D’Mello olub, bu mövzuda uğur qazanmaq üçün bəzi sirlərindən və etdiklərindən bəhs etdi.
Qısa olaraq Dr. Rahul D’Mello barədə danışaq. Sahibkar, bir neçə startapın həmtəsisçisi, investor Dr. Rahul D’Mello öz uğurunun sirlərindən bəhs edəcək. Rahul Bakının ən yaxşı təhsil məktəblərindən biri olan LANDAU School Məktəbini təsis edib, iki uğurlu startap Push30 və YAZL-in inkişafında iştirak edib, SABAH.lab akselerasiya mərkəzinin idarə heyətinin üzvüdür. Rahul təkcə onun necə uğur qazandığını deyil, həm də onun fikrinə əsasən, ideyaların harada doğula biləcəyini ətraflı şəkildə izah etdi. O, bizə özünün uğur hekayəsindən əlavə bu ekosistemdə nələrin edilməli olduğundan danışdı.
“Startup Grind” Dr. Rahul D’Mello – “Uğur Hekayəsi” | Tedroid Media
Startup Grind Baku tərəfindən bu gün Sabah.Lab Akselerasiya Mərkəzində bu ilin dördüncü görüşü baş tutdu. Belə ki, bu görüşümüzün spikeri Dr. Rahul D’Mello oldu. Yaxşı bəs, Dr. Rahul D’Mello “Uğur Hekayəsi” ətrafında nələrdən bəhs etdi?
Tədbirdən ən diqqət çəkən məqamlar nələr oldu?
Dr. Rahul D’Mello əslində çox güclü bir akademik keçmişə sahib idi. Almaniyada tibb sahəsində Avropanın ən tanınmış Universitet olan The Charité – Universitätsmedizin Berlin ilə akademik karyerasına başlamışdı. Prestiki həddindən artıq böyük idi. Olimpiada belə 2014-cü illərdə kimya olimpiadasında İngiltərədə dünya üzrə 37-ci yerə çıxmışdı. Lakin elə 2015-ci illərdə ailəvi cəhətdən də bəzi sıxıntıların yaşanması ilə laminat satışı ilə ilkin biznes mühitinə atılan Rahul, doktorluq sahəsindən biraz uzaqlaşmağa başladı. Lakin Almaniyaya təkrar təhsillə bağlı səfərində elə biznes sahəsində də potensialını yavaş-yavaş kəşf etməsi ilə fərqli sahələrə atılmağa başldı.
Ölkənin ən yaxşı özəl məktəblərindən biri olan LANDAU School ilə bağlı əvvəlcədən ilk addımlar oradan yaranmağa başlayırdı. Belə ki, öz komandası ilə birlikdə Avropada təhsillə bağlı təcrübələrini də Azərbaycanda şagird və tələbələrə çatdırmaq, eyni zamanda təhsil ala biləcəkləri bir mühit yaratmaq üçün Leznik&Co kursu təsis edildi. Lakin Leznik&Co üçün çox bərbad bir şey baş verdi. Açılmağından 40 gün sonra ofisdə yanğın oldu və ofislə birgə hər şey kül oldu.
Dr. Rahul D’Mello isə Almaniyadan yenicə geri qayıdırdı. Elə uçub gəldikdən 6 saat sonra Rahul və partnyoru Emil ilə yanğının olduğu gecə plov yeməyə getdilər. Rahul qeyd edir ki, bu elə bir situasiya idi ki biz ya bu işlərdən tamamilə uzaqlaşmalı, ya da bu işin üstünə gedəcəkdik. Plov masasında da təsisçilər həmin gecə məqsədlərindən dönməyib kursumuz batdısa, məktəb açmalıyıq deyə qərar verdilər. Hal-hazırda isə olduqca sürətlə böyüyən məktəb 2017-ci ildən bu yana inkişaf etdi və bu gün 3500 lokal, 15000-ə yaxın distant şagirdə sahibdir.
PUSH 30 tətbiqi necə yarandı?
Nəsə bir starap, bir ideya, layihə yaradandan sonra adam yenə nəsə eləmək istəyir. Eyni küçəni belə gəzəndə bu işin içində olan biri daim orda nəsə yeni bir şey yaratmaqla bağlı fikrə qatılır. Demək, Dr. Rahul D’Mello bildirir ki, Praqa səfərində olarkən Push 30 platformasına bənzər bir tətbiqi Azərbaycanlı dostları orada göstərib kaş Bakıda da belə bir şey olardı deyir. Burdan ilhamlanan Rahul Azərbaycana gəldikdən sonra Adil Qasımov ilə birlikdə layihəni formalaşdırır. Layihənin adı isə uzun müddət düşünülükdən Rahul sonra Adil ilə birlikdə olarkən, kənarda Rəhimin jim etməsini görmələri ilə ortaya çıxır. İngilis dilində “Push Up” adlanan bir hərəkəti, Rəhim 30 dəfə etdiyi üçün də sonluğuna 30 rəqəmini artıran təsisçilər 100-dən çox fitnes mərkəzini birləşdirən tətbiqi ortaya çıxarırlar.
Növbəti tədbirimizdə nələr olacaq?
Mövzunu burada sonlandırıb, daha çox və maraqlı söhbətlər üçün sizlərə səs yazısına qulaq asmağınızı tövsiyə edirik. 12 fevral 15:00-da keçiriləcək növbəti tədbirimizdə spikerlər qeyd etdiyimiz kimi Azər Nemanlı və Nərminə Ağayevanın nitqindən “GROW lab Venture Studio” təcrübələrini birbaşa eşidəcəksiniz. Gəlin əvvəlcə qonaqlarımızın kimlər olacağına nəzər salaq. Azər və Nərminə “GROW lab Venture Studio”-da məhsul dizaynerləri olaraq çalışırlar və həmçinin #Awwwards-da Münsif olaraq fəaliyyət göstərirlər. Bu vörkşopumuzda bizə dizayn prosesinin ayrıntılarından, nümunələrdən və təcrübələrdən danışacaq və göstərəcəklər. Artıq bildiyiniz kimi növbəti tədbirimiz də həmişəki kimi 12 yanvar tarixində sabah.lab-da saat 15:00 etibarilə baş tutacaq. “Startup Grind” ilə bizə qoşulmaq və tədbirdə iştirak etmək üçün aşağıdakı qeydiyyat linkinə daxil ola bilərsiniz.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
