Yəqin ki, son illərdə “müştəriyə aid” prinsipini müxtəlif sektorlarda görmüsünüz. Məsələn, bu gün ən sadə halda sosial şəbəkə hesablarınız süni intellekt alqoritmləri ilə məhz izlədiyiniz “sizə aid” ola biləcək məzmunlara uyğun nizamlanır. Araşdırmalar göstərir ki, insanlar üçün sevilən məhsul yaradıb, həmin məhsulu onlar üçün özününkiləşdirmək, eyni zamanda mümkündürsə məhsulu “özlərinə yaratmaq” startap və şirkətlər üçün çox əhəmiyyətlidir.
Sevilən məhsul ilə müştəri arasındakı bağ, sizinlə müştər arasındakı bağ deməkdir
Məsələn, məşhur İsveç brendi olan “İKEA” bu strategiyanı tətbiq edir. Belə ki, bu nümunəyə baxsaq məşhur “IKEA” brendi, mebelləri müştərilərinə birləşdirməmiş göndərir. Logistik xərcləri azaldan şirkət, eyni zamanda “məhsulu özününkiləşdirmə psixologiyası” tətbiq edərək mebeli insanların təlimata baxaraq toplamasını istəyir. Beləcə, məhsul müştəridə onun özünün yaratdığı bir şey hissiyatı formalaşdırır. Bununla müştəri mebelin ona aid olduğunu hiss edir və müştəri məhsula qarşı bağlılıq yaranır olur. Bu konseptin əsasını NFT sektorunda belə görə bilərsiniz. Nəticədə məhsulla müştəri arasındakı bağ, sizinlə müştəriniz arasında bağ deməkdir.
Əgər hər hansı məhsul üzərində çalışırsınızsa və bunu sevilən məhsul etmək istəyirsinizsə sizdə müştərinizə həmin məhsulun bir parçası olduğunu hiss etdirməlisiz. Tutaq ki, e-kitab istehsal etmisiniz. Məhsul ilə müştəri arasında bağlılıq yaratmaq üçün kitabın qapağındakı adı müştəriyə uyğun fərdiləşdirilə bilən etməlisiniz. Qısacası müştərinin də məhsula toxunuş etməsinə icazə imkan yaratmaq lazımdır. Belə halda müştəri ilə məhsul arasında daha sıx əlaqə yaratmış olacaqsınız.
Məsələn, Netflix kimi şirkətlərin nümunələrinə nəzər salsaq bu zaman başqa bir strategiya ilə qarşılaşırıq. Netflix daim zövqünüzə uyğun filmlər tövsiyə edir. Yeni filmlər təklif etmək üçün istifadəçinin keçmiş davranışlarını nəzərə alır. Bununla istifadəçilərinə bir növ fərdi xidmət göstərmiş olur və mümkün olan ən yaxşı təcrübə ilə təmin etməyə çalışırlar. Bu strategiya Youtube, Spotify kimi platformalar üçün də keçərlidir. Eyni zamanda mövzunun əvvəlində dediyimiz Instagram nümunəsinə də uyğundur. Lakin buradakı fərdiləşdirilən şey xüsusilə profillərinizdir ki, yeni bir hesaba keçmək öyrəşdiyiniz məzmunları verməyəcəyindən, sizi məhz öz profilinizə “bağlayır” və “özününkiləşdirir”.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
