Marketinq, şirkət və ya startaplar üçün markanın fərqlənməsini və satışlarını artırmaq üçün mühüm bir komponentdir. Ancaq, bir çoxları üçün marketinq xərclərini necə yerinə yetirməsinin təyin edilməsi çətin bir işdir. Marketinq xərclərinin məbləği təxmin etdiyiniz kimi birdən çox faktorlardan asılıdır və tam olaraq nə qədər sərmayə ayırmalıdırlar sualının konkret cavabı yoxdur. Qurucular bu istiqamətdə məqsədlərini düzgün təyin etməli, büdcənə uyğun marketinq strategiyaları tərtib etməli və marketinq xərclərini əsasən gəlirlərinin bir hissəsini ayrırmalıdırlar.
Bir çox hallarda startaplar innovasiyaya sərmayə ayırmağa əhəmiyyət verərkən, marketinq sahəsinə sərmayə ayırmaqdan qaçınırlar. Aparılan araşdırmalara görə marketinq nəhəngləri bu il axtarış sistemləri, reklam lövhələri, sosial media marketinqi və e-poçt kampaniyaları kimi çeşidli sahələrə ortalama olaraq 103 milyard dollardan çox maliyyə yönləndiriləcək. Belə ki, şirkətlərin uzun müddətli böyümə strategiyası edilən yatırımların 10%-lik hissəsinin marketinq üçün ayrılması mütəxəssislər tərəfindən tövsiyə edilir. Hətta “Duke” Universitetinin hesablamalarına görə marketinq üçün 11%-lik bir yatırım təqribi~2,5%-lik bir gəlir artımı yaradır. Nəticədə doğru planlaşdırılmış marketinq strategiyası uğurlu biznes üçün güclü vasitə kimi görülür.
Biznesin ölçüsü, işlədiyi sahə, marketinq məqsədləri, büdcə və ümumi maliyyə situasiyası kimi faktorlar bu məbləği təyin edən faktorlar arasındadır. Ümumi olaraq, layihələr bütün gəlirlərinin 5% ilə 20% arasında marketinq xərclərinə ayırmalıdırlar. Ancaq, bu olduqca fərqli ola bilər və bəzi şirkət və ya startaplar spesifik məqamlarına görə daha çox və ya daha az xərcləməyi seçə bilər.
Marketinq xərclərinin məbləğinin təyin edilməsi şirkətin məqsədlərinə uyğun olmalıdır. Məsələn, yeni bir məhsul təqdim etmək istəyənlər çox daha yüksək bir marketinq büdcəsi ayırmağa məcburdur. Bəzi şirkətlər, məhsullarının və xidmətlərinin mövcud müştəriləri üçün marketinq fəaliyyəti aparırlar, bu da daha az marketinq büdcəsi tələb edə bilər. Daha əvvəl ki, xəbərlərimizin birində şirkətlər üçün sərmayələr qədər elektron poçtun da əhəmiyyətindən danışmışdıq.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
