Keçdiyimiz günlərdə təqdimatı olan iPhone 14 Pro və Pro max ilə gələn bir sıra yeniliklər arasında Dynamic Island da var. Bəs bu yeniliyin nə kimi mənfi, müsbət cəhətləri var?
Apple iPhone X modelindən indiki iPhone modellərinə kimi çərtikli bir dizayn dilini seçib. iPhone 14 və 14 Plus modelləri də daxil olmaqla bu dizayndan istifadə edilib. Artıq Apple şirkəti iPhone 14 Pro modelindən etibarən bu dizayn dilini dəyişdirir. iPhone 14 Pro və iPhone 14 Pro Max modellərində çərtik öz yerini Dynamic Island adlanan yeni texnologiyaya verir. Bu yeni texnologiyanın dizayn olaraq çərtiklə fərqlərini qeyd etsək artıq çərçivədən ayrılmış bir şəkildə gəldiyini görə bilərik. Bir bənzətmə etsək “ada şəklində” sağ və sol ekran çərçivəsinin tam ortasında yuxarıya isə çox yaxın şəkildə yerləşdirilib.
Dynamic Island xüsusiyyətindən istifadəçilərin nə kimi şikayətləri var?
Bu yeniliklə bağlı ən böyük problemlərdən biri yüksək işıq və ya gün ışığı altında yaşanır. Çünki, ekran panelinin parlaqlığından aslı olmayaraq qara rəngli animasiya yüksək işıq altında boz rəngdə görünə bilir. Nəticədə dinamik adının yaratdığı “sehrli görünüş” bu vəziyyətdə adətən, yox olur. Digər əsas problemlərdən biri də üçüncü tərəf tətbiqlərin bu xüsusiyyəti hələ tam olaraq dəstəkləməməsidir. Belə olduğu halda işləməyini gözlədiyiniz bəzi tətbiqlər cihazınızda yeni animasiyalarla çalışmayacaq. Bəzi istifadəçilər isə xüsusilə iPhone 14 Pro Max modelində dinamik adanın çox yuxarıda əlçatmaz olduğundan şikayətlənirlər. Aydın məsələdir ki, ekranın ən üst hissəsində olan bu yenilik tək əlli istifadədə erqonomik deyil. Ən asan həll olunan problem isə selfi kamerası bölməsinin tez çirklənməsi ilə bağlıdır. Bu problemi əsasən, tez -tez selfi kamerasından istifadə edənlər bildiriblər. Hətta selfi kamerasından əlavə olaraq, arxa kamerada da Snapchat, TikTok və.s tətbiqlərdə dalğalanma xətası görülür.
Dynamic Island hansı müsbət yeniliklər vəd edir?
Ekran ərazisini daha da artırmaq məqsədi üçün hazırlanan yenilik istifadəçilərin rahat istifadəsi üçün bir sıra yeni özəllikləri özündə birləşdirir. FaceİD, Kamera və digər sensorların yerləşdirildiyi Dynamic Island bir çox proqramların da uyğunluğu üçün bir sıra yeniləmələrdən sonra daha funksional və dinamik şəkildə çalışacaq. Apple şirkətinin öz proqramları ilə tam uyğun şəkildə istifadə olunsa da hal-hazırda bəzi üçüncü tərəf tətbiqlərdə xətalar mövcuddur. Beləliklə, bu yeniliyin əsas məqsədi istifadəçilərin heç bir proqramı açmadan və ya kilid ekranını aşağı çəkmədən müvafiq məlumatlara asanlıqla daxil ola bilməsini təmin etməkdir. İstifadəçilər tətbiqi vidjetlərdə açmaq istədikləri zaman həmin üst hissədə açılan adacığa toxunaraq öz işlərini yerinə yetirə biləcəklər.
Dynamic Island xüsusiyyətinin üstünlükləri
Dynamic Island funksiyasının işləməsi üçün həmin sahənin aktivləşdirilməsi istifadəçilərin ixtiyarındadır. Cihazda görünən hər bir xüsusiyyət həmin bölgə üçün uyğunlaşdırılacaqdır. Məsələn, istifadəçi iPhone 14 Pro smartfonu ilə Apple Music tətbiqində musiqi dinləmək istəyirsə Dynamic Island üzərində ona uyğun videjet göstərilir. Telefon kilidli ekranda olsa belə, Apple Maps proqramından istifadə edən istifadəçi bu özəlliklə ekranın bütöv istifadə etmədən gedəcəyi istiqaməti görə bilir. Buna əlavə olaraq üçüncü tərəf tətbiqlər də gələcək aylarda gətirəcəkləri yeniləmələr ilə bu xüsusiyyət daha funksional işləyəcək. Siz bu yenilik haqqında nə düşünürsünüz? Fikirlərinizi bizimlə şərhlər bölməsində bölüşə bilərsiniz.
