Qızıl dedikdə ağlınıza ləl-cəvahirat və külçə təsvirləri gəlir, lakin İsveçin Linköping Universitetindən olan komanda qiymətli metalı, insanın sinir sistemi ilə tamamilə yeni bir şəkildə əlaqəyə girən elektrodlar yaratmaq üçün istifadə edib. Beləliklə, İsveçli tədqiqatçıalr keçirici nanoliflərdən istifadə edərək “yumşaq qızıl” sinirlər yaradıblar.
Tədqiqatlar göstərir ki, bu, həqiqətən də bioloji cəhətdən uyğundur və insan sinir sisteminə qoşula bilər. Small jurnalında dərc edilən araşdırma, sinirlərimizə zərər vermədən yaxınlaşan yeni tibbi implantların yolunu aça bilər. Bu elektrodlar, bədənlə mükəmməl birləşərək qıcıqlanma, iflic və xroniki ağrıların qarşısını alır. Bununla belə, bədən daimi hərəkətdə olduğundan, sərt və yumşaq materiallar arasında sıx əlaqəni təmin etmək vacibdir. Yumşaq, dartılan elektrodların istifadəsi bu problemi həll edir, çünki bu, sərt metal elektrodlar kimi toxuma zədələnməsinə səbəb olmur.
Tibrandt komandası, elektrodlarını yaratmaq üçün inanılmaz miqdarda incə qızıl iplikləri yumuşaq və çevik silikona yerləşdiriblər. Silikon hazırda bir çox tibbi sahədə istifadə olunur və tibbi cihazlarda da qızıl və platin geniş istifadə olunur. Кlаѕ Тіbrаnd’ın araşdırma qrupundakı doktorantı Laura Zoffert, gümüş nanotelin ətrafında qızıl yetişdirməyə çalışır. Daha sonra isə gümüş çıxarılır və 99% saflığında qızıl yaranır. Proses mürəkkəbdir, lakin bədənlə uzunmüddətli qarşılıqlı əlaqə üçün zəruri olan yüksək elektrik keçiriciliyinə malikdir.
