Elektrikli avtomobil sənayesi nə qədər ətraf mühit üçün əlverişli və yanacaq sərf etməsə də, bəzi ehtiyatlara ehtiyac duyur. Bunlardan biri də fosfat filizidir. Qısa müddət əvvəl Norveçdə elektrikli avtomobil sənayesində 100 il istifadə olunacaq böyük fosfat yatağı kəşf edilib. Ümumiyyətlə fosfat akkumulyatorlarda və günəş panellərində də geniş istifadə olunur. Norveçin mədən şirkəti olan Norge Mining ölkənin cənub-qərbində aerokosmik və müdafiə sənayesində istifadə edilən titan və vanadium kimi digər minerallarla birlikdə 70 milyard ton fosfat aşkar edib.
Beləliklə deyə bilərik ki, Norveçdə aşkar olunan fosfat yatağı 100 il boyunca texnologiyanın bütün sahələrində istifadə oluna biləcək. Maraqlısı budur ki, ABŞ Geoloji Xidmətinin 2021-ci ildə verdiyi məlumatlara əsasən dünyada məlum fosfat ehtiyatı 71 milyard ton idi. Elektrikli avtomobillərin təchiz edildiyi litium-dəmir-fosfat batareyalarının istehsalında, yarımkeçiriciləri və çipsetlərin istehsalında istifadə olunan fosfat artıq bu sahələrin inkişafına da kömək edir.
Fosfat yatağı nə qədər böyük olsa da, bir problem hələ də aktualdır. Belə ki, fosfat minerallarının təmizlənməsi karbona əsaslanan prosesdir. Bu səbəblə də sənayenin böyük hissəsi Vyetnam və Qazaxıstanda yerləşir. Lakin Norveç bu prosesi daha da yaxşılaşdırmaq üçün bu sənayeni öz ərazisində də inkişaf etdirəcək. Həmçinin yeni aşkar olunmuş filiz ehtiyatı yerin 4500 metr dərinliyinə qədər uzana bilir. Məhz bu səbəbdən də geoloqlar onun yalnız 1500 metrə qədər olan hissəsini çıxara bilirlər. Bu isə təxminən 70 milyard ton fosfat deməkdir. Əgər gələcəkdə daha dərindən filiz çıxarmaq mümkün olarsa bu rəqəm daha da artacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
