Bildiyimiz kimi, təxminən bir il əvvəl ABŞ-ın SSPD-1 peyki ilk dəfə kosmosdan Yer planetinə enerji ötürdü. Rusiyalı iş adamı Mixail Kokoriçin “Momentus Vigoride” peyk platforması kosmosdan enerji istehsalı və hasilatı sahəsində üç eksperimental modul daşıyırdı. Bunlardan ən mühümü isə mikrodalğalı enerjini orbitdən yer qəbuledicisinə ötürən qurğu hesab olunurdu. Qeyd edək ki, bu qurğu dünyada sadəcə bir ilk idi və nəhayət sınaqda uğurlu oldu. Ümumiyyətlə, kosmosda aparılan tədqiqat üçün eksperimentlər 2023-cü ilin yanvarında kosmosa göndərilib.
Kosmosda bəzi tədqiqatların tamamlanması günlər və ya həftələr çəkdi, hətta bəzilərinin başa çatması aylar tələb etdi. İndi isə sıra aparılan tədqiqat barəsində ilk nəşrləri və bəzi məlumatları təqdim etməyə gəlib. Qeyd edək ki, Momentus Vigoride platformasına DOLCE, ALBA və MAPLE modulları daxil idi. unlardan ən təsirlisi DOLCE-dir. Bu modul, günəş batareyası sahələrinin orbitdə avtomatik yerləşdirilməsinə imkan verən sistemdir. Qeyd edək ki, gələcəkdə kosmosdan Yer planetinə enerji ötürülməsi üçün məhz kosmosda günəş elektrik stansiyalarının quraşdırılması düşünülür. Habelə, istifadə olunacaq qurğuların raked daxilinə uyğun gələ biləcək yığcam strukturda istehsal olunması nəzər tutulub.
DOLCE modulu bu istiqamətdə yalnız ilk addımdır. Bu modul günəş panelləri daşımır və sadəcə 1,8 metr uzunluğu olan çılpaq çərçivədən ibarətdir. Təcrübənin məqsədi strukturun kosmosda açılma qabiliyyətini və bu prosesi lentə almaq üçün kameraları yoxlamaq idi. Artıq aparılan sınaq uğurlu hesab edildi. Məhz bundan sonra uzaq gələcəkdə oxşar modullar yerləşdiriləcək və orbitə çıxarılacaq. Habelə bu modulların bir-birinə bağlı olması nəzərdə tutulmur. Bunun əvəzinə, ən uyğun bucağı müəyyənləşdirə bilmək üçün panelinin hər küncündə sükan mühərrikləri olacaq. Mürəkkəb idarəetmə sistemi Günəşə və qonşu modullara nəzarət edəcək ki, onlar bir-birlərinin ulduzdan gələn işığın qarşısını almasın və orbit ətrafında karvan yaratsınlar.
