Dünya getdikcə inkişaf edir. Belə ki, bu fikri istənilən sahəyə o cümlədən texnologiya sahəsinə aid edə bilərik. Əgər biz sadəcə 10-15 il əvvələ qayıtsaq smartfonların hələ təzə-təzə bazara çıxdığının şahidi olarıq. Maraqlısı budur ki, qısa bir müddətdə bu gün smartfon istifadəçilərinin sayı inanılmaz rəqəmlərə çatıb. Belə ki, GSMA Assosiasiyası tərəfindən paylaşılan hesabata görə bu il dünyada 4.3 milyard insan ən az bir smartfona sahibdir. Maraqlısı budur ki, bu rəqəm dünya əhalisinin 55%-nə yaxındır.
Qeyd edək ki, GSMA Assosiasiyası tərəfindən paylaşılan məlumatlar sadəcə 4.3 milyard insan tərəfindən smartfon istifadə olunduğunu ifadə etmir. Belə ki, bu il mobil internet istifadəçilərinin sayı 4.6 milyarda çatıb. O cümlədən bu rəqəmin 4 milyardı sadəcə smartfon ilə mobil internetdən istifadə edənlərdir. Eyni hesabata görə, Şimali Amerika, Şərqi Asiya və Sakit Okean regionlarında smartfon sahiblərinin 69 faizi “4G” funksiyası olan cihazlardan istifadə edir. Afrikadakı istifadəçilərin əksəriyyəti hələ də 3G dəstəkli cihazlardan istifadə edir. GSM Assosiasiyasının hesabatı göstərir ki, təxminən 3,4 milyard insan internetdən, smartfondan əlaqəsiz olaraq yaşayır.
Ümumiyyətlə telefon icad olunduğundan bəri həyatımızın bir parçasına çevrilib. Təbii ki, smartfonlar meydana çıxdıqdan sonra insanların həyatı daha da dəyişdi. O cümlədən internet istifadəçilərinin sayı artdı. Bəs növbəti 20 il ərzində smartfonları hərhansı bir cihaz əvəz edəcəkmi? Bu sualın cavabını vermək hələ tezdir. Çünki, biz gələcəkdən xəbərsizik. Əmin ola bilərsiniz ki, 20 il əvvəl də bu sualı hərhansı insan cavablaya bilməzdi. Lakin onu qeyd edə bilərik ki, virtual reallıq dünyanın öz əhatəsinə ala bilər. Məhz bu səbəbdən Apple, Meta və digər şirkətlər bu sahəyə inanılmaz investisiyalar edir.
