Bildiyimiz kimi, Microsoft uzun müddət digər texnologiya nəhənglərinin, o cümlədən məhkəmələrin qəzəbinə tuş gəlmişdi. Bunun əsas səbəbi də şirkətin Activison Blizzard üçün danışıqlara başlaması idi. İndi isə nəhayət Microsoft şirkəti Activison Blizzard məsələsini sonladıraraq onu aldı, şirkət bu barədə rəsmi hesabından paylaşım edib. Nəhayət 20 aylıq mübarizədən sonra Microsoft nəhəng oyun şirkəti Activision Blizzard-ın yeni sahibi oldu. Bu satın alma ilə Microsoft mobil oyun tərəfində 11-dən çox, pc oyunları tərəfində isə 9 yeni oyun stüdiyosunu Xbox Game Studios-a əlavə etdi.
Microsoft Activision Blizzard məsələsini bitirdikdən sonr 8500-dən çox yeni işçi qəbul edir. Xatırladaq ki, şirkətin qarşısında duran sonuncu maneə məhz İngiltərə idi. Nəhayət bu maneə də aradan qalxdı. 69.7 milyard dollarlıq ticarət başa çatdı. Müqaviləni problemsiz şəkildə tamamlamaq istəyən şirkət, İngiltərə Rəqabət Qurumunun təsdiqini almaq üçün Activision Blizzard-ın “bulud oyunu” hüquqlarını böyük oyun şirkətlərindən biri olan Ubisoft-a 15 il müddətinə satmağa qərar verdi. Artıq Ubisof+ xidməti ilə Activison Blizzard oyunlarını 15 il ərzində oynamaq mümkün olacaq.
Qeyd edək ki, Böyük Britaniya rəqabət qurumu şirkətin bu ticarəti tamamlamasına bəzi müəyyən səbəblərdən maneə olurdu. Bunlardan ən əsası isə, bu dəyişikliyin “sürətlə böyüyən bulud oyun bazarının gələcəyini dəyişdirə, innovasiyaları azalda və Böyük Britaniyadakı oyunçular üçün daha az seçimə səbəb ola bilər” düşüncəsi idi. Ubisoft+ ilə isə ortaq yola gəlmək mümkün oldu.
