Android smartfonlar üçün çox uzaqda olan QR kodları aşkar edə bilmək ciddi problemdir. QR kodları oxumaq üçün QR kodun kənarına yaxınlaşmaq lazım olur. Google şirkəti artıq bu problemi həll edəcək yeni funksiya üzərində işləyir. Belə ki, bunun üçün Android smartfonlara uzaqdan QR kodları çox asanlıqla oxuya bilən yenilik əlavə olunacaq. Bu yenilik əslində, sadə bir yaxınlaşdırma funksiyasını özündə birləşdirəcək.
Yenilik ilə birlikdə, Android telefonların yaxınlaşdırmaqla avtomatik aşkarlaya və oxuya biləcəyi yeni QR kod skaneri üzərində işləyir. Bu funksiya hələ cihazlarda mövcud deyil, lakin Google-un tərtibatçılar üçün əlçatan etdiyi ən son API-lərdə istifadə olunur. API QR kodlarını aşkar etmək üçün smartfondakı maşın öyrənməsindən istifadə edir.
Yeni avtomatik böyütmə funksiyası Android 13 və daha yüksək versiyalarla işləyən telefonlarda əlçatan olacaq. Lakin bu funksiyanın yaxşı kamerası olmayan giriş səviyyəli Android telefonlarında nə qədər effektiv olacağı sual altındadır. Eyni zamanda Google-un öz telefonlarından başqa modellərə nə vaxta inteqrasiya olunacağı da hələ ki, bilinmir. Böyük bir ehitmalla uyğun API inteqrasiyası digər şirkətlərin də üçüncü tərəf tətbiqlərini bu funksiya ilə işlətməyə işə yarayacaq. Yəni, Android cihazı QR kodu oxumaq üçün tutduqda maşın öyrənməsi sayəsində avtomatik yaxınlaşdırma edəcək. Buna baxmayaraq daha dəqiq nəticə üçün yüksək təsvir ölçülü kameralara mütləq ehtiyac olacaq.
