Texnologiya bazarının aparıcı brendlərindən olan Microsoft şirkəti yeni Xbox oyun konsolları hazırlayır. Xatırladaq ki, Microsoft şirkəti Xbox One konsolunun uğursuzluğundan sonra 2020-ci ildə yeni konsollarını təqdim etmişdi. Belə ki, Xbox Series S və Xbox Series X konsolları oyun həvəskarları tərəfindən maraqla qarşılanmışdı. İndi isə şirkət bu tendensiyanın davam etdirərək yeni konsollar hazırlayır.
Ümumiyyətlə Microsoft şirkəti uzunmüddətdir ki, Activision şirkətini almaq üçün çabalayır. Lakin bu vəziyyət bir çox ölkə tərəfindən razılıq əldə olunmadığı üçün yubanır. Microsoft Activison almaqla Xbox GamePass kitabxanasının istifadəçi sayını əhəmiyyətli dərəcədə artıra bilər. Bundan əlavə Microsoft yeni Xbox oyun konsolları təqdim etməklə istifadəçi sayını artıra bilər. Hazırda bazarda olan Xbox Series S və X oyun konsolları Sony şirkətinin Playstation 5 konsolundan geri qaldığı üçün Microsoft yeni konsol hazırlayır. Xatırladaq ki, şirkət ötən aylarda Xbox Series S oyun konsolları üçün 1TB versiyanı da əlçatan etmişdi. Lakin indi texnologiya nəhəngi daha çox yenilik etmək istəyir.
Beləliklə Microsoft şirkəti disksiz Xbox Series X üzərində çalışır. Ümumiyyətlə Xbox Series X oyun konsolu təqdim edilərkən həcminin çox böyük olması müzakirələrə səbəb olmuşdu. Bunun əsas səbəbi isə disk sürücüsü idi. İndi isə şirkət daha minimal dizaynlı lakin disksiz işləyən konsol hazırlayacaq. Əslində Sony şirkəti də Playstation 5 konsolu üçün 2 versiya təklif etmişdi. Onlarda biri də Digital edition idi. Görünən odur ki, Microsoft Sony şirkətinin bu addımını mənimsəyəcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
