Çindən gələn yeni məlumata görə, Apple-ın iPhone 15 Pro modelləri yeni 2TB maksimum yaddaş seçimi ilə satışa çıxarılacaq. Digər bir tərəfdən Koreyanın Naver bloqunda “yeux1122” ləqəbli jurnalist və insayderin hesabatına görə də təchizatçılar iPhone 15 Pro və iPhone 15 Pro Max-ın iPhone 14 Pro modellərindən iki dəfə çox maksimum yaddaş tutumu ilə satışa çıxarılması üçün yenilənmiş yaddaş çipləri ixrac edib.
Bundan əlavə, araşdırmalar nəticəsində həftə sonu eyni iddianı paylaşan bir Weibo hesabı da Çində kəşf edilib. Xüsusilə qeyd edilir ki, yeni nəsil cihazlar iPhone 14 modellərində mövcud olan baza variantında 128 GB tutumla deyil, minimum 256 GB yaddaşla təkli olunacaq.
Yekun təxmin edilən ssenaridə Apple dörd mövcud yaddaş variantı kimi 256GB, 512GB, 1TB və 2TB-ni saxlayacaq. Bu cür yaddaş artımları Apple-ın bu il iPhone 15 Pro modellərinin qiymətini qaldıracağı ilə bağlı şayiələrlə də üst-üstə düşür.
Həm Bloomberg müxbiri Mark Gurman, həm də texnologiya analitiki Jeff Pu builki “Pro” modelləri üçün qiymət artımı gözlədiklərini söyləyir. Bildirilir ki, iPhone 15 Pro, iPhone 14 Pro-nun 999 dollardan başlayan qiymətindən 1099 dollara qədər artımla təklif olunacaq. Əgər bu doğrudursa, iPhone 15 Pro Max 1199 dollardan başlayan qiymətlərlə qarşımızda olacaq.
Əlbəttə ki, 2TB şayiəsinin həqiqətə uyğun olmadığı və Apple-ın smartfon bazarının azalması fonunda gəlirləri artırmaq üçün cihazların qiymətini qaldırıb elə nilə davam etməsi də mümkündür. Keçən ilki iPhone 14 Pro modellərinin də 2TB variantı ilə gələcəyi şayiələri var idi, lakin bu baş vermədi.
Apple ilk dəfə 2021-ci ildə iPhone 13 Pro və iPhone 13 Pro Max üçün 1TB yaddaş seçimi əlavə etdi. Yeni seçim, ilk növbədə, adi videolardan əhəmiyyətli dərəcədə daha çox yaddaş yeri sərf edən ProRes video kimi yeni kamera xüsusiyyətləri ilə bağlı idi.
Məsələn, saniyədə 30 kadr sürətlə 4K ProRes video yazmaq üçün 256 GB, 512 GB və ya 1TB yaddaşa malik iPhone 14 Pro modeli tələb olunur. 128 GB yaddaşa malik iPhone 14 Pro modellərində ProRes video qeydi saniyədə 30 kadr sürətlə 1080p ilə məhdudlaşır. Apple iPhone 15 Pro-nun əsas yaddaşını 256 GB-a qədər artırarsa, bütün modellər 30 kadr sürətlə 4K ProRes qeyd edə biləcək.
Apple-ın iPhone 15 Pro üçün nə hazırladığını bir aydan bir az sonra öyrənəcəyik. Qurmanın sözlərinə görə, Apple-ın illik iPhone tədbirinin ya çərşənbə axşamı, 12 sentyabr, ya da 13 sentyabr çərşənbə günü baş tutacağı gözlənilir.
