Elon Musk-ın ən dəyərli sərvəti və ya şirkət artıq Tesla deyil. Belə ki, Musk-ın raket şirkətindəki 42% payı beş ildə ilk dəfə Tesla-nı ötüb.Şirkətin gəliri 1% artaraq 97,7 milyard dollara, xalis mənfəəti isə 8,4 milyard dollara düşüb.
Müqayisə üçün qeyd edək ki, SpaceX-in gəliri 51% artaraq 13,1 milyard dollar təşkil edib. Starlink-in gəliri iki dəfə artaraq 8,2 milyard dollara çatıb. Bu arada, Muskın Tesla-dan biraz uzaqlaşması təkcə maliyyə səbəblərinə əsaslanmır. Onun Tramp administrasiyasında DOGE sədri vəzifəsinə təyin edilməsi Muskın Tesla-da öz öhdəliklərini yerinə yetirə bilməyəcəyi ilə bağlı suallar doğurdu. Musk, öz növbəsində, Tesla-nın uzunmüddətli perspektivdə yaxşı iş görəcəyini iddia edir, lakin onun son açıqlamaları ona təzyiqin artdığını təsdiqləyir.
Digər tərəfdən, Teslanın yaşadığı çətinliklər bununla məhdudlaşmır. Tesla satışları Almaniya, Çin və Avstraliya kimi bazarlarda əhəmiyyətli dərəcədə azalıb. JPMorgan analitikləri Tesla-nın 2025-ci ilin birinci rübündə qlobal tədarüklərinin 2022-ci ildən bəri ən aşağı səviyyəyə düşəcəyini proqnozlaşdırırlar. ABŞ-da Tesla dilerlərində etirazlar davam edir. Təbii ki, bütün bunlara baxmayaraq, Musk hələ də dünyanın ən zəngin adamıdır. SpaceX və Tesla onun sərvətinin 80%-dən çoxunu təşkil edir, xAI, X Corp, The Boring Company və Neuralink kimi şirkətlər isə əlavə olaraq 45 milyard dollara yaxındır. Bunların arasında SpaceX, 147 milyard dollarlıq səhm dəyəri ilə Muskın ən güclü aktividir.
