Microsoft, Calibri əvəzinə Aptos-dan istifadə edərək, 2007-ci ildən bəri ilk dəfə Office paketində standart şrifti dəyişdirdiyini elan edib. Aptos əvvəlcə Bierstadt kimi tanınırdı və 2021-ci ildə təklif olunan beş nümunə arasından seçilib. Aparıcı şrift dizayneri Stiv Matteson tərəfindən hazırlanmış Aptos yenilikçi üslubu ilə zamanla populyarlıq göstərməlidir.
Eyni dizayner əvvəllər, Windows-da standart şrift halına gələn Segoe-ni yaratmışdı. Segoe UI şrift ailəsi Windows Vista-da ilk dəfə buraxıldıqdan sonra və Windows 11-də istifadə olunmağa davam edir. Matteson orijinal Windows TrueType paketi üzərində də işləmişdir. Şriftin adı isə Kaliforniyanın Santa Cruz bölgəsindəki Aptos şəhərinin şərəfinə verdiyi təklifdən ortaya çıxıb. Aptos hərf sətirlərinin kənarları təmiz kəsilmişdir, lakin oxunaqlılığı yaxşılaşdırmaq üçün kiçik bir üsluba malikdir və bu kiçik ölçülərdə daha yaxşı nəzərə çarpan görünüş deməkdir. Eyni zamanda yüksək təsvir ölçülü monitorlar bu şrifti daha oxunaqlı göstərə biləcəklər.
Bu şrift növbəti bir neçə ay ərzində MS Office proqramları üçün standart kimi görünəcək və tədricən müxtəlif Microsoft proqramları üzrə istifadəçilərə əlçatan olacaq. İstifadəyə verilmiş beş şriftin hamısı 2021-ci ildən MS Office proqramlarında mövcuddur və istifadəçilər üçün əlçatan qalacaq.
Şirkət sözçüsü Aptos-un Microsoft 365-ə gələn daha geniş funksiyaların bir hissəsi olduğunu, proqram təminatını daha yenilikçi və detallı etmək üçün başlanğıc olduğunu söyləyib. “Yeni interfeys, rənglər və fonlarla birlikdə yeni dizayn edilmiş şrift seçmə təcrübəsi ilə Microsoft 365 daha daha da inkişaf edəcək” deyə bildirilir.
