Kosmosun ən sirli məsələlərindən biri olan qara dəliklər barədə yaxın gələcəkdə maraqlı faktlar ortaya çıxa bilər. Belə ki, Nottingham Universitetinin elm adamları sirli qara dəlikləri simulyasiya edərək araşdırmağa başlayır. Hətta alimlər yüksək texnologiyalı vannada araşdırma aparacaqlar. Ümumiyyətlə qara dəliklər kosmosda ətrafındakı bütün obyektlərə çox mürəkkəb təsir göstərirlər. Bunun əsas səbəbi isə sahib olduqları güclü cazibə qüvvəsidir. Hansı ki, bu cazibə qübbəsi hər şeyi, hətta işıq dalğalarını da içinə çəkir.
İngiltərədəki elm adamları isə qara dəlikləri yüksək texnologiyalı laboratoriyada simulyasiya edərək araşdırmaq qərarına gəliblər. Hətta bu məqsədlə onlar maye halda olan heliumdan istifadə edərək kiçik burulğan yaradıblar. Elm adamlarının məhz helium elementini seçmə səbəbi onun tərkibi ilə əlaqədardır. Belə ki, maye helium burulğanın sadəcə sabit sürətdə deyil, istənilən sürətdə fırlanmasına səbəb olur. Bu isə burulğanın cazibə qüvvəsini artırmağa imkan verir. Qeyd edək ki, qara dəliyin kvant təbiətini görmək üçün elm adamları onu -271 dərəcə selsiyə qədər soyudur.
Soyudulduqdan sonra maye heliumun səthində əmələ gələn dalğalar qara dəliyə oxşar radiasiya meydana gətirir. Alimlər yüksək dəqiqliyə malik kameralar ilə yaratdıqları süni qara dəliyi yaxından araşdırırlar. Tədqiqat qrupunun lideri professor Silke Weinfurtner bildirir ki, yaratdıqları süni qara dəliy ona yaxınlaşan istənilən işığı yüksək miqdarda enerjiyə çevirir. Lakin bunun üçün onun fırlanma sürətinin müəyyən qədər azalması lazımdır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
