Startap ekosistemində aparıcı oyunçularından biri olan Tedroid Media çox gözlənilən 500 Global Georgia akselerasiyasının 5-ci qrupu üçün müraciətlərin açıldığını elan edir. Bu nüfuzlu proqram həm fiziki, həm də virtual mühitdə startap və layihələri bir araya gətirərək, ilkin mərhələdə onlara fərdi mentorluq, inkişaf yönümlü proqramlaşdırma, qlobal şəbəkəyə eksklüziv çıxış və maliyyə almaq potensialı kimi imkanlar təklif edir.
500 Global Georgia akselerasiyasın xüsusi olaraq innovativ ideyalarını növbəti səviyyəyə çatdırmaq istəyən toxumdan əvvəl və toxum mərhələsində olan innovativ startaplar üçün nəzərdə tutulub. Proqrama müraciət edən startapların isə əvvəlcədən texnologiyadan faydalanan və ya texnologiya tərəfindən dəstəklənən bir layihə olmağı, fikri mülkiyyətləri üzərində dayanıqlı bir əsasa malik olmaları, işlək bir prototipə və eyni zamanda qlobal bazar üçün özlərində potensial gördüklərindən əmin olmaları tövsiyə edilir.
Proqramın 5-ci qrupuna qoşulmaqla seçilən startaplar əlavə olaraq ekspertlərindən fərdi mentorluq, inkişafa yönəlmiş proqramlaşdırma və dünyanın hər yerindən geniş investor və digər sahibkarlar şəbəkəsi daxil olmaqla, əvəzolunmaz resurslara çıxış əldə edəcəklər. Proqram 2023-cü ilin sentyabr ayının sonunda başlayacaq.
Proqram haqqında daha çox məlumat əldə etmək və müraciət etmək üçün bu keçidə daxil ola bilərsiniz. Həmçinin ətraflı məlumat üçün bu keçidə baxmağınız tövsiyə olunur.
Müraciət prosesinə başlamaq üçün 19 iyul 2023-cü il tarixində 500 Global-ın Partnyoru Pedro Santos Vieiranın iştirakı ilə məlumat sessiyası keçiriləcək. Bu sessiya perspektivli sahibkarlara akselerasiya haqqında daha çox məlumat əldə etmək imkanı verəcək. Suallarınız və ya əlavə məlumat üçün 500georgiadeals@500.com ünvanında 500 Global komandasına müraciət etməkdən çəkinməyin.
Sitat
Biz də Tedroid Media olaraq, bütün uyğun startapları müraciət etməyə və bizneslərini inkişaf etdirmək üçün bu fürsətdən istifadə etməyə dvətə edirik. 500 Global dünyada ilkin mərhələdə startaplara maliyyə, təcrübə və resurslar təqdim edən tanınmış şirkətdir. Texnologiya və innovasiyaya diqqət yetirərək, 500 Global perspektivli layihələrin böyüməsini sürətləndirmək üçün nəzərdə tutulmuş müxtəlif proqramlar və təşəbbüslər təklif edir. Akselerasiya vasitəsilə startaplar mentorluğa, maliyyə imkanlarına və sənaye peşəkarlarının geniş şəbəkəsinə çıxış əldə edir. Baş tutan akselerasiya belə proqramlardan biridir ki, startapları toxumdan əvvəl və toxum sərmayəsi mərhələsində dəstəkləmək, onlara tam potensiallarını reallaşdırmaq və qlobal bazarda uğur qazanmaqda kömək etməyi hədəfləyir.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
