Görünür, yunlu fil olan mamontlar yenidən dünyaya qaytarmaq heç də alimlər üçün xəyal kimi gəlmir. Amerikanın Colossal şirkəti iqlim dəyişikliyi ilə mübarizəyə kömək etmək üçün 2027-ci ilə qədər nəsli kəsilmiş bu canlını dirçəltməyə ümid edir. Hətta bu istiqamətdə olduqca qəribə görünən prosesə artıq start verilmiş ola bilər.
Mamontun DNT-si Asiya filininki ilə tam olaraq 99,6% uyğun gəlir. Bu, Amerikanın Colossal şirkətinin məqsədinə çatmaq yolunda olduğuna inanmağa vadar edib və bunun üçün sınaqlara başlanılıb. Genin redaktə üsullarından istifadə edərək, elm adamları nəhayət yunlu mamont embrionu yaratmaq üçün mamontlardan alınan genləri analizin aparırlar. Sonrakı mərhələdə isə onu Afrika filinə yerləşdirəcək və ondan yeni yunlu mamontlar dünyaya gətirməyi sınaqdan keçirəcəklər.
Yekun məqsəd Arktikanın müəyyən hissələrini əvvəlki kimi yunlu mamontlar doldurmaqdır. Daha sonra isə bu heyvanın miqrasiya nümunələri və qidalanma vərdişləri ilə yerli bitki həyatının yaxşılaşdırılması müşahidə ediləcək. Dallasda yerləşən şirkət öz məqsədlərinə çatmaq üçün keçən il əlavə 60 milyon dollar vəsait əldə edib. Əsas gen redaktə layihəsi 2021-ci ildə başlayıb, lakin elm adamlarının məqsədlərinə nail olub-olmadığını bizə zaman göstərəcək.
Biotexnologiyalar sahəsində alimlərin işini asanlaşdıran vasitələrin inkişafı, gen üzərində əməliyyatları əhəmiyyətli səviyyədə fərqli mərhələyə aparır. Bu da bu 10 illikdən başlayaraq növbəti 10 illiklərdə daha çox belə qəribə xəbərin ortaya çıxmasına səbəb yaradır. Xüsusilə, süni intellektin dəstəyi burada vaxt alan proseslərin sürətləndirilməsi ilə belə tədqiqatların effektivliyini bir çox cəhətdən təkmilləşdirməyə kömək olur.
