Beləliklə, tədqiqatçılar bu dəfə elektrik enerjisi istehsal edə bilən süni bitki ilə gündəmə gəliblər. Yeni hazırlanan bu süni bitki, fotosintez üçün qapalı məkandakı işıqdan istifadə edir. Belə ki, bu bitki qapalı məkanda CO2 səviyyəsini də 90%-ə qədər azalada bilir və oksigen səviyyəsini artırır.
ABŞ-ın Binghamton Universitetinin bir qrup tədqiqatçısı dayanıqlı enerji sahəsində böyük irəliləyiş əldə edib və təkcə fotosintezi təqlid etməklə yanaşı, həm də elektrik enerjisi istehsal edən süni bitki hazırlayıb. Layihə əvvəlcə bakteriya ilə işləyən biobatareyalar üzərində tədqiqatın davamı kimi nəzərdə tutulmuşdu. Lakin tədqiqatçılar bioloji günəş hüceyrəsi və fotosintetik bakteriyalardan istifadə edərək, süni yarpaq istehsal ediblər. Daha sonra isə onu daha geniş tətbiqlərə malik tam hüquqlu bir bitki halına gətiriblər. Bitki eyni zamanda daxili məkandakı hava keyfiyyətini də yaxşılaşdıra bilər. Beş yarpağa sahib olan bu süni bitkinin karbon qazının udma dərəcəsi və oksigen istehsal gücü sınaqdan keçirilib.
Hal-hazırda o, təxminən 140 mikrovat enerji istehsal edir, lakin professor Seokheun Choi və PhD tələbəsi Məryəm Rezainin rəhbərlik etdiyi komanda bu hasilatı bir millivattdan çox artırmağı hədəfləyir. Onlar həmçinin dizayna litium-ion batareyalar və ya superkapasitorlar kimi enerji saxlama sistemi əlavə etməyi planlaşdırırlar. Elektrik enerjisi istehsal edən bu süni bitki karbon qazının səviyyəsini azaltmaqla daxili havanın keyfiyyətinin yaxşılaşdırılmasında xüsusilə uğurlu olub. Belə ki, bu bitki, Fotosintezi gücləndirmək üçün daxili işıqdan istifadə edir və daxili CO2 səviyyələrini 90 faiz, yəni, 5000-dən 500ppm-ə qədər azalda bilər.
