Avtomobil sektorunda lider istehsalçılardan biri olan Mercedes-Benz elektromobil sahəsində də inkişaf etməkdədir. Tamamilə sıfırdan yeni platforma üzərinə inşa edilən bir çox minik avtomobilindən sonra, indi isə növbə çeşidliliyi artırmağa çatıb. Belə ki, ilk dəfə 2020-ci ildə anons edilən Mercedes-Benz eActros LongHaul nəhayət, prototip variantında qarşımıza çıxdı. Prototip olduğundan 2024-cü ildə seriya istehsalına daxil olacaq son variantı ilə birə-bir eyni eksteryer elementlərini ortaya qoymur. Lakin texniki cəhətdən elektrikli yük avtomobilinin nəyə qadir olacağı məlum olmuş hesab edilir.
Mercedes eActros LongHaul elektrikli yük avtomobili 1.2 milyon Km və ya 10 il batareya davamlılığı vəd edir
Təqribi olaraq bir dolu batareya ilə 500 Km-dən çox məsafə qət edə biləcəyi bildirilən Mercedes eActros LongHaul elektirkli yük avtomobili, xüsusi yarım-qoşquya sahib olacaq. “eTrailer” adı verilən yarım-qoşqusu ilə 500 Km yürüyüş məsafəsi 800 Km üzərinə qalxacaq. Xüsusilə davamlılığa əhəmiyyət verən şirkət eActros LongHaul üçün litium dəmir fosfat tərkibli uzunömürlülüyü ilə fərqlənən batareya paketi istifadə edəcək. Beləliklə batareyanın davamlılığı 10 il və ya 1.2 milyona qədər artacaq.
Elektrikli yük avtomobili stabil olaraq 536 at gücü, yüksək güc tələb olunduqda isə 805 at gücünə qədər çıxa bilən elektrik mühərrikləri ilə təchiz ediləcək. Qeyd edək ki, batareyanın doldurulması da olduqca az vaxt alacaq. Yüksək sürətli şarj stansiyalarında batareyanın 20 faizdən 80 faizə qədər doldurulması sadəcə 30 dəqiqə vaxt tələb edir.
Mercedes-Benz nə qədər elektrikli yük avtomobilini nümayiş etdirmiş də olsa, sektorda gecikdiyini bildirmək lazımdır. Nəticədə ən əsas rəqiblərdən Tesla şirkəti Semi modeli ilə 2024-cü ildə istehsala girəcək eActros LongHaul modelindən əvvəl böyük bir ehtimalla yollarda olacaq. Digər bir tərəfdən effektivlik cəhətdən də Tesla Semi rəqiblərinin işi çətin olacaq. Tək yük avtomobili 800 Km yürüyüş məsafəsi vəd edir ki, yarım-qoşqunun batareya paketi ilə təchiz edilməsi kimi əlavə xərcləri özündə birləşdirmir. Ola bilsin Mercedes, 500 Km yürüyüş məsafəsi versə də sürətli doldurma və uzunömürlü batareya davamlılığı ilə üstünlük əldə etməyə çalışacaq. Lakin yenə də yollarda “nəhəng elektromobilləri” görmək maraqlı olacaq.
