1904-cü ildə ilk dəfə ehtiyat təkərlər Walter və Tom Davies tərəfindən icad edildikdən sonra həmin addım 100 ildir təkrar olunur. Ehtiyat təkəri olan ilk avtomobillər Thomas B. Jeffery Company tərəfindən istehsal olunan Ramblers idi. Əvvəlcədən quraşdırılmış ehtiyat təkər sürücülər arasında o qədər populyarlaşdı ki, bir müddət sonra digər markalara da yayılmağa başladı.
Lakin artıq elektromobillər dövrünə keçid etdikdə, istehsalçılar bir müddətdir ki, sedanlara və kiçik yolsuzluq avtomobillərinə tam ölçülü ehtiyat təkəri daxil etmirlər. Consumer Reports bildirir ki, 2018-ci ildə sonrakı 5 ildə sınaqdan avtomobillərin 60%-i kiçik ölçülü müvəqqəti təkərlərlə, yalnız 10%-i isə tam ölçülü ehtiyat təkərləri ilə gəlib. Digər tərəfdən, ən çox satılan elektrikli Tesla, Chevy Bolt, Volkswagen ID.4, Ford Mustang Mach-E, Hyundai Ioniq 5, BMW i4 və Mercedes EQS modellərində isə ümumiyyətlə ehtiyat təkərləri yoxdur.
Qəribə bir hal isə ötən günlərdə yaşanıb. Honda-nın şikayətçi müştəriyə göndərdiyi elektron məktubda qəza zamanı ehtiyat təkərin elektrik batareyanı zədələyərək problemə səbəb ola biləcəyi qeyd edilib. Bu, qəliz bir izah olsa da avtomobil dizaynı üzrə ekspertlər avtomobil istehsalçılarının ehtiyat təkərdən uzaqlaşmasının səbəbinin çox sadə olduğunu deyirlər. Onlar çox böyük və ağırdırlar, həmçinin insanların onlara nadir hallarda ehtiyacı yaranır.
Hazırkı hesabatlara görə, dünyada hər il təxminən 200 milyon təkər partladıldığı təxmin edilir. Elektrikli avtomobillərdə məsafəni artırmaq üçün batareyalar və elektrik sistemlərinin idarəetmə blokları ehtiyat təkərlərin yerləşdiyi ənənəvi yerlərə, daha doğrusu, baqaj döşəməsinin altında quraşdırılır. Məkan məhdudiyyətlərinin isə həm batareya sistemi, həm də daxili yanma mühərrikli hibridlər üçün çətinlik yaratdığı deyilir.
Tam ölçülü ehtiyat təkərin avtomobildən asılı olaraq istehsalçıya 100-300 dollara başa gələcəyi təxmin edilir. Mütəxəssislər təkərlərin əvvəlkindən qat-qat yaxşı və davamlı olduğunu da bildirirlər. İndi əksər müasir avtomobillərdə olan sensorlar sürücüyə riskli təkəri göstərə bilir. Bundan əlavə, ehtiyatı olmayan bir çox avtomobillər təkərləri yamamaq üçün dəstlərlə gəlirlər. Ona görə də ehtiyat təkərlər tarixin tozlu rəflərinə yollanırlar.
