Bu dəfə məhdudiyyətlə üzləşən Çin olmadı. Belə ki, bir çox sahədə sanksiyalara məruz qalan Çin bu dəfə elektrikli cihazlarda və elektromobillərdə istifadə olunan nadir materialların ixracını dayandırır. Ümumiyyətlə Çin hazırda bir çox elektriklə çalışan cihazlar üçün əsas xammal mənbəyidir. Belə ki, ölkənin yerləşdiyi ərazi nadir materiallar ilə zəngindir. Onlardan ən əsası da məhz gallium və germanium elementləridir. Görünən odur ki, Çin bu dəfə ABŞ sanksiyalarına qarşı gələrək belə bir addım atıb. Əgər Çin fikrindən dönməsə ABŞ və onun müttəfiqləri ciddi problemlərlə üzləşəcək.
Ümumiyyətlə Çin və ABŞ arasında daim mübarizə olub. Bəzən bu mübarizədə üstünlük ABŞ tərəfinə, bəzən isə Çinə keçir. Ötən günlərdə Huawei şirkətinin məruz qaldığı sanksiyalara Çin nəhayət cavab verib. Belə ki, Çin bütün elektrikli cihazlarda və elektromobillərdə istifadə olunan ən nadir materialların gallium və germanium elementlərinin ixracını dayandırır. Bundan əlavə Çin ötən ay qrafit ixracını da məhdudlaşdırmışdı. Qeyd edək ki, qrafik elektrikli mühərriklərin əsasını təşkil edir.
Son dövrlərdə Çinin həm elektromobil həm də smartfon tərəfində əldə etdiyi uğurlar ABŞ və müttəfiqlərini hərəkətə keçirmişdi. Bir müddət Çin bu məhdudiyyətərə cavabsız qalsa da, indi sərt addımlar atır. Təbii ki, əgər texnologiya və digər sahələrdə uğura imza atmaq istəyiriksə bunu bütün dövlətlər məhdudiyyət olmadan birlikdə etməlidir. Əks təqdirdə isə bəzən Çin, bəzən isə ABŞ inkişaf edə bilməyəcək. O cümlədən bu addım dünyadakı texnologiyanın da inkişafını məhdudlaşdırır.
