İmplantın arxasında duran regenerativ tibb şirkəti 3DBio Therapeutics mətbuata açıqlamasında maraqlı bir yenilik barədə xəbər verib. Belə ki, həkimlər insan hüceyrələrindən hazırlanmış 3D çap olunmuş qulağı qulaq deformasiyası ilə doğulmuş qadına uğurla nəql edə biliblər. Transplantasiya bu texnologiyanın ilk klinik sınaqlarının bir hissəsi idi. Onun müvəffəqiyyəti, toxuma mühəndisliyi üçün irəliyə doğru böyük bir addımdır.
Proseduru həyata keçirən qrupa rəhbərlik edən qulağın rekonstruksiya cərrahı Arturo Bonilla, The New York Times jurnalına müsahibəsində deyib : “Hər şey planlaşdırıldığı kimi getsə, bunun həyata keçirilməsində inqilab edəcəyik“.
Hər il ABŞ-da doğulan 1500-ə yaxın körpədə mikrotiya var. Yəni bir və ya hər iki qulağın inkişaf etmədiyi, tamamilə yox olduğu bir vəziyyət. 3DBio Therapeutics bu xəstələrdə olmayan qulağı əvəz etmək üçün fərdiləşdirilmiş toxuma implantı olan AuriNovo qulağını 11 iştirakçı ilə davam edən klinik sınaqdan keçirir.
Tipik olaraq, mikrotiya xəstələrinin qulaqları qabırğadan alınmış hüceyrələrdən və ya sintetik materiallardan hazırlanacaq. Əvəzində bu eksperimental proses xəstənin mövcud qulağından biopsiyanın götürülməsini və qığırdaq hüceyrələrinin çıxarılmasını nəzərdə tutur. Sonra həmin hüceyrələr böyüdülür və xəstənin qulağının formasındaa 3D çap edilir. Şirkətdən verilən məlumata görə, qulaq xəstələrin ömrü boyu qığırdaqları bərpa etməyə davam edir və öz hüceyrələrindən hazırlandığı üçün rədd edilmə ehtimalı azdır.
Bu il Transplantasiya texnologiyasındakı irəliləyişlər üçün böyük bir il oldu. Yanvar ayında həkimlər bir xəstəyə donuz ürəyi ilə ürək nəqli etməyinə baxmayaraq xəstə bir neçə ay sonra öldü . Digər tədqiqat qrupları 3D çap edilmiş ağciyərlər və 3D çap edilmiş qan damarları üzərində işləyirlər. 3DBio Therapeutics-in rəhbərləri The New York Times-a bildiriblər ki, onların texnologiyası potensial olaraq gələcəkdə qaraciyər və böyrəklər kimi mürəkkəb orqanları da çap edə bilər. Qulaqlar digər orqanlardan daha sadədir və qaraciyərdən fərqli olaraq, insanları həyatda saxlamaq üçün lazımi deyil. Günümzdə texnologiyanın gəldiyi yer artıq bəzilərimizi qorxudur. Lakin daha uzun ömür sürmək, sağlamlığımızda yaranmış problemlərin həll yolununu olması bir tərəfdən də bizi sevindirir. Bu texnologiyaların təkmilləşməsi üçün isə bizi qarşıda uzun yol gözləyir. Bu haqqda siz nə fikirləşirsiniz?
