Ötən aylarda Elon Musk bir açıqlama verərək, illərdir daxil olmayan və tvit yazmayan 1,5 milyard Twitter istifadəçisinin hesablarının silinməyə başlayacağını bildirib. Əsasən istifadə olunmayan hesabların istifadəçi adlarını israf etməyə başladığını dilə gətirən Musk görünür adları da sataraq ondan pul qazanacaq.
Çünki The New York Times tərəfindən verilən yeni hesabata görə şirkət gəlirlərini artırmaq üçün istifadəçi adlarını satmağı fərqli bir yol kimi nəzərdən keçirir. Twitter-in istifadəçi adı ilə bağlı siyasəti istifadəçi adlarının alqı-satqısına icazə vermir. Bu qaydaya baxmayaraq, insanlar illərdir qara bazarda arzu edilən Twitter istifadəçi adlarını ala bilirlər. Arzu olunan istifadəçi adlarının satılması təcrübəsi keçmişdə də xakerləri cəlb etmişdir. 2020-ci ildə bir yeniyetmə yüksək profilli istifadəçi adlarını satmaq üçün sosial şəbəkəni hekləyərək yüksək profilli istifadəçi adların əldə etdikdən sonra həbs olundu. Xakerlər çoxsaylı ictimai xadimlərin, o cümlədən Muskın, keçmiş prezident Barak Obamanın, Bill Gatesin və başqalarının hesablarını oğurlamışdılar.
Bu məlumat məşhur mesajlaşma proqramı olan Telegram tətbiqinin oktyabr ayında TON blokçeyni üzərində qurulmuş bazar vasitəsilə həm fərdi hesablar, həm də kanallar üçün istifadəçi adlarına hərrac keçirəcəyini elan etdiyi vaxtla üst-üstə düşür. Yəni Twitter platforması burda Telegram tətbiqini nümunə almış ola bilər.
Muskın Twitter-i 44 milyard dollara ələ keçirməsindən sonra milyarder reklam gəlirlərindəki azalma fonunda şirkətin gəlirlərini artırmağın yollarını tapmağa çalışır. Hesabatlar göstərir ki, Maskın Twitter sahibliyi başlayandan bəri bir çox reklamçı platformanı tərk edib və şirkət daxili gəlir azalıb.
