Keçmiş Twitter işçilərinin sözlərinə və ortaya çıxan sənədlərə görə, Elon Musk fərdiləşdirilmiş reklamları tətbiq etməyi, reklamların sayını əhəmiyyətli dərəcədə artırmağı planlaşdırır. Lakin yeni mavi abunəlik sistemini daha çox istifadəçiyə sataraq ondan ciddi gəlir əldə etmək istəyən Elon Musk xatırlayırsınızsa, mavi quş abunəsi olan istifadəçilərinin 50% daha az reklam görəcəyini açıqlamışdı.
İndi isə iddialara görə, Elon Musk ikinci əsas gəlir mənbəyi kimi mavi abunəçi olub-olmamasından asılı olmayaraq bütün istifadəçilərin telefon nömrələrini başqa şirkətlərə satmağa başlayacaq. Abunəlik ilə “mavi quş” əldə etməyin şərtlərindən biri e-mail və telefon nömrənizin təsdiqlənməsidir. Twitter bu nömrələri böyük şirkətlərə satacaq və məlumatların düzgünlüyünü mütəmadi olaraq yoxlamaq və davamlı məlumat vermək müqabilində hər ay milyonlarla dollar əlavə gəlir əldə edəcək .
İddiaların doğru olub-olmadığı hələ bilinməsə də, Google və Apple artıq bu vəziyyətdən qane olmadıqlarını bildirməyə başlayıblar. Eyni şəkildə, istifadəçilərin məlumatlarını satmaq və istifadəçiləri fərdiləşdirilmiş reklamlara məcbur etmək hər ikimağazadakı tətbiqlər üçün açıq şəkildə qadağandır. Elon Musk-ın ötən həftələrdə Apple ilə yaşadığı gərginliyin əsas səbəbinin də bu olduğu və Tim Cook ilə Apple Parkda məhz bu mövzu ətrafında fikir mübadiləsi apardığı iddia edilir. Apple baş icraçı direktoru Tim Cook ilə görüşdən sonra Elon Musk bu addımlara icazə verilmədiyini və Twitter-in App Store-dan çıxarılması ilə nəticələnə biləcəyini yəqin ki, anlayıb. Lakin yenidən eyni istiqamətdə atılan addımların necə nəticələnəcəyi naməlumdur.
Digər bir tərəfdən Tesla səhmlərini də bu gün yüksək miqdarda satan Elon Musk, dünyanın ən zəngin adamlarının siyahısında da ikinci pilləyə geriləyib.
