Ötən gün Meta şirkəti ilk süni intellekt texnologiyası olan Cicero-nu ictimaiyyətə elan edib. Meta iddia edir ki, Cicero süni intellekti Diplomacy adlanan stolüstü strateji oyununda insanları aldada bilir. Qeyd edək ki, bu strategiya oyunu insanlar arasında ünsiyyət bacarıqları tələb edir. Cicero-nun bu çətinlikdə oyunda insan oyunçuları aldada bilməsi, şirkətin bu sahədə olan uğurlu inkişafının göstəricisidir. 1991-ci ildə IBM və ya Beynəlxalq Biznes Maşınları tərəfindən hazırlanan Deep Blue-nun məşhur şahmat ustası Garry Kasparov-u məğlub etməsi süni intellektin stolüstü oyunlardakı ilk uğuru idi.
Meta şirkətinin yeni süni intellekt texnologiyası hansı xüsusiyyətlərə malikdir?
Metanın ilk süni intellekt texnologiyası olan Cicero, Deep Blue süni intellektindən fərqli olaraq ehtimal nəzəriyyəsinə əsaslanmır. Belə ki, stolüstü strateji oyunda insanları aldadaraq məğlub edən Cicero birbaşa mesajlaşma yolu ilə ünsiyyət bacarıqlarına malikdir. O, qazanmaq üçün oyunçulara empatiya göstərir, təbii dildən istifadə edir və onlarla əlaqələr qurur. Həmçinin şirkət gələcəkdə insanlarla daha yaxşı ünsiyyət quran, onları daha tez inandıra bilən süni intellektlərin yaradılacağını bildirib. Qeyd edək ki, Cicero texnologiyası Diplomacy oyununu onlayn şəkildə oynayaraq öyrənib və insanlardan 2 dəfə çox bacarıq qazanıb.
Meta şirkəti Cicero-nun dil bacarıqlarını “idarə olunan dialoq modeli” kimi təsvir edir. Belə ki, Cicero dialoq zamanı internetdə mövcud olan kitabxanalara istinad edir. Meta-nın ilk süni intellekt texnologiyası gələcəkdə fərqli sahələrdə istifadə olun bilər. Bu sahələrə isə video oyunlar, robotexnika və digər sahələr aiddir. Texnologiyanın mənfi cəhəti odur ki, insanlar bu süni intellektdən manipulyasiya məqsədi ilə də istifadə edə bilər.
