Koreya mərkəzli avtomobil istehsalçısı olan Kia, ötən il logosunu və sloqanını dəyiştirmişdi. Belə ki, şirkətin yeni sloqanı “Movement that Inspires”, yəni “İlham verən hərəkət” olmuşdu. Qeyd edək ki, şirkət yeni loqosu ilə elektromobil sahəsinə üstünlük verəcəyini bildirmişdi. Lakin Kia yeni loqosu ilə bağlı bəzi çaşqınlıqların yaranacağını nəzərə almayıb. Belə ki, brendin oval, çərçivəsiz və fərqli şriftlə yenilənmiş müasir loqosu Google axtarış sistemində çaşqınlıq yaradır. Çünki birçox insan yeni loqonu KİA əvəzinə KN kimi oxuyur.
Kia-nın yeni loqosu axtarış sistemində hər ay 30 mindən çox insan tərəfindən KN olaraq axtarılır!
Kia brendi yeni loqosu ilə bağlı dəyişiklindən sonra ciddi problemlərlə üzləşib. Belə ki, məşhur Google axtarış sistemində hər ay 30 mindən çox insan KN avtomobil brendini axtarır. Qeyd edək ki, bu rəqəm ötən il brendin yeni loqoya keçidindən bəri durmadan artır. Hətta bəzi sosial şəbəkə platformalarında bu hadisə gündəmə gəlib. Belə ki, istifadəşilərdən biri Kia Carnival modelinin görüntülərini paylaşaraq onun hansı markaya aid olduğunu soruşub. Əlavə olaraq qeyd edək ki, Google Trends-in verdiyi məlumata görə yeni loqo yalnız Amerikada deyil həmçinin Avstraliya, Kanada və Böyük Britaniyada da çaşqınlıq yaradır.
Əslində bu hadisə nə qədər çaşqınlıq kimi dəyərləndirilsə də, bu hadisə insanların Kia avtomobillərinə olan marağını göstərir. Belə ki, hər ay 30 mindən çox insan sırf maraq səbəbindən KN sözünün mənasını axtarır.
