Alman avtomobil brendi olan Porsche yüksək performanslı və keyfiyyətli modelləri ilə avtomobil dünyasında öz sözünü deməyi bacarmışdır. Hərzaman yenilik axtatışında olan Porsche bu dəfə də avtomobillərində 3D Hologram texnologiyasından istifadə etmək istəyir. Belə ki, CarBuzz resursunun iddiasına görə Alman Patent və Ticarət Nişanları qurumu brendin yeni patentini təsdiqləyib. Alman avtomobil istehsalçısının təqdim etdiyi patentdə bildirilib ki, bu texnologiya sürücülərin yolda bir-biriləri ilə ünsiyyyət qurması üçün nəzərdə tutulub.
Porsche şirkəti 3D Hologram texnologiyası ilə hansı yenilikləri vədd edir?
Qeyd etdiyimiz kimi, yeni modelləri üçün 3D Hologram texnologiyasından istifadə etmək istəyən brend, yeni texnologiyanı sürücülərin yolda ünsiyyəti üçün nəzərdə tutduğunu bildirib. Belə ki, şirkətin təqdim etdiyi patent sənədinə əsasən, proyektor avtomobilin damında demək olar ki, görünməz vəziyyətdə yerləşdiriləcək və sürücü idarə etmə paneli vasitəsi ilə yolda baş vermiş hadisələrlə bağlı məlumatları vizual olaraq digər sürücülərə ötürəcək. Şirkət yeni texnologiyadan ilk olaraq elektrikli Porsche Taycan seriyasında istifadə edə bilər. Qeyd edək ki, yeni texnologiyanın modellərin aerodinamikasına heç bir təsir göstərməyəcəyini də bildirilib.
Porsche yeni Hologram texnologiyasını sürüclərin daha asan ünsiyyəti üçün nəzərdə tutsa da, bu texnologiya gələcəkdə böyük problemlərə səbəb ola bilər. Belə ki, sürücülər və ya hakerlər avtomobilin üzərində quraşdırılmış texnologiyadan müxtəlif məqsədlər üçün istifadə edə bilər. Bu isə öz növbəsində digər sürücülərin diqqətinin yayınmasına və qəzaya səbəb ola bilər.
