Bildiyimiz kimi Meta şirkəti Facebook, Instagram, WhatsApp kimi sosial şəbəkə platformalarına sahiblik edir. Bir çox sosial şəbəkə platformaları kimi bu platformalarda yetkinlik yaşına çatmamış uşaqlar üçün təhlükə mənbəyidir. Lakin şirkət sosial şəbəkə platformalarını uşaqlar üçün daha təhlükəsiz etmək üçün çalışır. Belə ki, şirkət Facebook platformasını uşaqlar üçün təhlükəsiz etmək üçün yeni məxfilik xüsusiyyətlərini təqdim edib. Qeyd edək ki, şirkət ötən ilin iyulunda Instagram plaformasında da yeni məxfilik xüsusiyyətlərini təqdim etmişdi.
Meta-nın təqdim etdiyi yeni məxfilik xüsusiyyətləri
Qeyd etdiyimiz kimi Meta gənc sosial media istifadəçilərini kiber zorakılığa və digər zərərli davranışlara qarşı qorumaq üçün bir sıra yeniliklər edib. Belə ki, şirkət Facebook platformasını gənc istifadəçilər üçün daha təhlükəsiz etmək qərarına gəlib və yeni məxfilik xüsusiyyətlərini təqdim edib. Təqdim olunmuş məxfilik xüsusiyyətlərinə görə 16 yaşdan kiçik sosial media istifadəçiləri, şirkət tərəfindən daha sərt məxfilik nəzarətinə məruz qalacaq. Belə ki, gənc istifadəçinin dost siyahısı, izlədiyi səhifələr məhdudlaşdırılacaq. Həmçinin onun etiketləndiyi yazılar digər istifadəçilərdən gizlədiləcək və istifadəçinin ictimai paylaşımlara şərh yazması mümkün olmayacaq. Bildirdiyimiz kimi, ötən ilin iyul ayında şirkət eyni xüsusiyyətləri Instagram platforması üçün təqdim etmişdi. Həmçinin şirkət ötən günlərdə yeni yaş doğrulama sistemini avropada istifadəyə vermişdi. Bu sistemin gələcəkdə digər platformalara tətbiq ediləcəyi də gözlənilir.
Əlavə olaraq bildirək ki, gənc istifadəçilərin profilləri platformada görünsə də onlar yalnız link vasitəsilə təsdiqlənmiş istifadəçilərin məzmununu görə və ünsiyyət yarada bilərlər. İstifadəçi tərəfindən bloklanmış istifadəçilər isə gənc istifadəçinin axtarış sistemində görünməyəcək və ona mesaj göndərmək mümkün olmayacaq. Meta həmçinin gənc istifadəçiləri yeni məxfilik xüsusiyyətlərindən istifadə etməyə təşviq etmək üçün xəbərdarlıq bildirişləri göndərəcək.
