Mark Zukerberq Meta-nın süni intellekt sektoru ilə bağlı planlarından danışıb. Belə ki, onun sözlərinə görə Meta şirkəti bu il süni intellekt üçün 65 milyard dollar xərcləyəcək. Beləliklə, Çinli DeepSeek süni intellekt sahəsində vəziyyətin daha da rəqabətcil olmasına və kisələrin ağzının açılmasına sövq edib.
Meta şirkətinin CEO-su bildirib ki, Meta 2025-ci ildə süni intellekt sektrouna ümumilikdə 65 milyard dollar vəsait xərcləyəcək. Mark Zukerberqin verdiyi açıqlama hətta Wall Street-in təxminlərini üstələyib. Şirkətin məqsədi süni intellekt sənayesinin qabaqcılları olan OpenAI ilə Google-a daha yaxşı rəqib olmaq olacaq. Şirkət həmçinin süni intellekt işi üçün yeni işçilər alacaq. Meta-nın 65 milyard dollarlıq xərclərinin əhəmiyyətli bir hissəsi Manhettendə yeni məlumat mərkəzinə yönəldiləcək. Ümumi gücü 2 giqavatdan çox olacaq bu obyekt bu ilin sonuna kimi qismən istifadəyə veriləcək.
NVIDIA-nın 1,3 milyon süni intellektə yönəlmiş GPU çiplərini almağı planlaşdıran Meta, 1 giqavatlıq emal gücü tətbiq edəcək. “2025-ci il süni intellekt üçün müəyyənedici il olacaq” deyən Mark Zukerberq, həmçinin Bu, möhtəşəm bir səydir və gələcək illər üçün əsas məhsullarımızı və biznesimizi idarə edəcək” ifadəsini işlədib. Bu açıqlama süni intellekt sektorunda böyük dəyişikliklərin olacağının əyani göstəricisidir. Hətta ötən gün Çinli DeepSeek-in birdən-birə bütün sektoru çalxalaması da bir daha göstərir ki, bu il süni intellekt sahəsində inanılmaz yeniliklər bizi gözləyir.
