Mark Gurman, Samsung-un bir anda Apple-ı geridə qoyduğunu etiraf edərək bütün diqqətləri öz üzərinə cəlb edib. Bəs gəlin görək, Gurmana görə Samsung Apple şirkətinin hansı sahədə geridə qoymağı bacarıb.
Bloomberg-dən Mark Gurman Apple və Samsung arasındakı rəqabətlə bağlı əhəmiyyətli açıqlama verib. Verilən açıqlama, hətta dünyaca məşhur Apple redaktorunun Samsung-un daha yaxşı olduğunu düşündüyü bir məqamı ortaya qoyur. Bildiyimiz kimi, Samsung keçən həftə bir tədbirdə Galaxy S25 ailəsini təqdim edib. Bu smartfonlar aparat texniki xüsusiyyətləri baxımından çox həyəcan yaratmasa da, süni intellekt tərəfində hər şey dəyişib. Samsung süni intellekt xüsusiyyətlərini Galaxy S25-in demək olar ki, hər küncünə inteqrasiya edib.
Mark Gurmanın verdiyi açıqlamaya görə, Samsung süni intellekt dünyasında Apple-ı geridə qoymağı bacarıb. Lakin qeyd etmək lazımdır ki, bu, təkcə Samsungun uğuru deyil. Samsung, Galaxy S25 seriyasının süni intellekt xüsusiyyətlərinin əksəriyyətini Google Gemini-dən əldə edir. Bəs bu, Apple və Samsung arasındakı rəqabətə necə təsir edəcək? İstehlakçılar AI xüsusiyyətlərinə malik Samsung Galaxy S25 seriyasını iPhone 16 Pro ailəsinə üstünlük verəcəkmi? Bu sualın cavabını isə ilin son dövrlərində daha aydın anlayacağıq.
