ChatGPT söhbət robotu artıq hərkəsə məlumdur. Hətta bu ilin ən çox diqqət çəkən mövzularında biri də məhz OpenAI şirkətinin ChatGPT süni intellekt çatbotu olmuşdu. İndi isə San Diego şəhərindəki California universitetinin tədqiqatçıları məşhur ChatGPT çatbotu üçün “insanlıq” testi həyata keçirib. Maraqlısı budur ki, çatbotun insan kimi suallara cavab verməsini ölçən bu sınaqda çatbot uğursuz nəticə əldə edib. Turingin insanlıq testi kimi adlandırılan bu sınaq əsasən çatbotun insan kimi suallara cavab vermə qabiliyyətini nəzərdən keçirir.
Qeyd edək ki, Turing testi 1950-ci ildə məşhur riyaziyyatçı və kriptoqraf Alan Turinq tərəfindən təklif edilib və onun məqsədi maşının düşünmə qabiliyyətini müəyyən etməkdir. Qaydalara görə, bir insan qarşıdakıların robot və ya insan olduğunu bilmədən ünsiyyət qurmağa başlayır. Sonra həmin şəxs həmsöhbətlərdən hansının kompüter, hansının insan olduğunu müəyyən etməlidir. Eyni zamanda kompüter özünü insan kimi aparmalıdır. Aparılan yeni sınaqda 652 könüllü iştirak edib. Ümumilikdə isə 1810 sual-cavab sessiyası həyata keçirilib, onlardan 1405-i isə təhlil edilib.
İki nəfər söhbət edəndə onlardan biri təsadüfi olaraq sual verən kimi seçilir, digəri isə insan olduğunu sübut etmək üçün suallara cavab verməli olur. Sınaq nəticələrinə görə ChatGPT botu ELIZA 27% hallarda həmsöhbətini insanla ünsiyyətdə olduğuna inandıra bilib. GPT-3.5 yalnız 14% müvəffəqiyyət nisbətinə sahib olub. GPT-4 də isə bu göstərici sadəcə 41% olub. Lakin suallara cavab verənin insan olduğunun sübut edilməsi üçün ən azı 50% göstəriciyə sahib olması lazım gəlirdi. Məhz buna görə də ChatGPT insanlıq testindən keçə bilməyib.
