Bu gün milyonlarla istifadəçi tərəfindən müxtəlif məqsədlər üçün istifadə olunan ChatGPT barədə səhv bilinən bir neçə məlumat ortaya çıxıb. Belə ki, şagirdlər və tələbələr tərəfindən aktiv istifadə edilən bu çatbot bəzən onları çətin vəziyyətə salırdı. Buna səbəb isə müəllimlərin şagirdlərin yazdığı mətnləri ChatGPT-də yoxlamasıdır. Yəni müəllimlər şagirdləri tərəfindən onlara verilən mətnlərin süni intellekt tərəfindən hazırlanıb-hazırlanmadağını çatbotdan soruşurdu. Maraqlısı budur ki, çatbot bəzən bu suala düzgün, bəzən isə yanlış cavablar verirdi. Məhz bu sualın cavabını tapmaq üçün insanlar OpenAI şirkətinə müraciət edib və məlum olub ki, ChatGPT öz yazdığı mətnləri xatırlaya bilmir.
Bu gün artıq insanlar tərəfindən yazılan mətnlərin süni intellekt tərəfindən hazırlanıb-hazırlanmadığını yoxlayan bir çox alət və ya detektor mövcuddur. Lakin OpenAI şirkəti bildirir ki, bu alətlərin hamısı işə yaramır. Çünki ChatGPT hazırladığı mətnləri heç bir zaman xatırlaya bilmir. Bundan əlavə süni intellekt çatbotunun hazırladığı mətnlər insan tərəfindən hazırlanan mətnlərdən heç cür fərqlənmir. Bu gün OpenAI şirkətinin saytında ən çox soruşulan suallardan biri məhz çatbotun yazdığı məntləri xatırlayıb-xatırlamaması ilə bağlıdır. Lakin OpenAI bu suala tək və dəqiq cavab verir.
OpenAI bildirir ki, insanlar tərəfindən mif halına çevrilən Bu süni intellekt tərəfindən yazılıb? sualı tamamilə təsadüfi olaraq cavablandırılır. Yəni çatbot bu suala bəzən hə, bəzən isə yox cavabları uydura bilər. İstifadəçilər isə bu cavabları reallığa uyğun olaraq qiymətləndirib. İndi süni intellekt tərəfindən yazılan mətnlər ayırd edilə bilinməsə də, bu o demək deyil ki, gələcəkdə bunu ayırda edə bilən proqramlar və ya alətlər hazırlanmayacaq. Ona görə də siz siz olun və məqalələrinizi süni intellektə yazdırmayın ki, gələcəkdə pis vəziyyətdə qalmayasınız.
