Alimlər hər keçən gün daha faydalı texnologiyalar ilə qarşımıza çıxır. Bu dəfə isə maye hidrogenlə işləyən təyyarə texnologiyasından xoşbəxtedici xəbər var. Artıq maye hidrogen ilə çalışan təyyarə sadəcə xəyal olaraq qalmayacaq. Çünki artıq bu təyyarə sınaqdan keçirilib. Təbii ki, son dövrlərdə bir çox sahədə emissiyasız yanacaqlar, hidrogen və ya elektrik üstünlük təşkil edir. Bunun ən əsas səbəblərindən biri ətraf mühitə zərərsiz olması və benzindən daha ucuz başa gəlməsidir. Xüsusilə təyyarələr benzin cəhətdən bəzən həqiqətən də əl yandırır. Lakin uğurla həyata keçirilən sınaq uçuşu ağıllarda Maye hidrogen yanacağı bizim gələcəyimiz ola bilərmi? sualı doğurur.
Ümumiyyətlə bu gün aviasiya sənayesində ciddi benzin emissiyası mövcuddur. Bu isə həm ətraf mühitə, həm də cibimizə zərər vurur. Yeni maye hidrogenlə işləyən təyyarə isə artıq bu problemlərdən qurtulmağımıza səbəb ola bilər. Xatırladaq ki, 2021-ci ildə Joby Aviation tərəfindən Şturqart şəhərində yerləşən H2FLY şirkətini satın alınmışdı. Belə ki, şirkət bu şirkət ən müasir hidrogen-yanacaq üzərində ciddi naaliyyətlər əldə etmişdi. Onun hərəkət sistemi, bəzi strukturları öyrənilmişdi. Yeni əldə edilən uğur isə aviasiya sənayesinin gələcəyindən xəbər verir.
Qeyd edək ki, qaz halında olan hidrogendən fərqli olaraq, mayeləşdirilmiş hidrogen HY4 nümayiş təyyarəsinin məzilini 2 dəfə artırır. Belə ki, əvvəlcə bu təyyarənin mənzili 750 km olsa da, yeni texnologiya ilə bu göstərici 1500 km-ə qədər artır. Eyni zaman da sərf edilən yanacaq və ətraf mühitə vurulan zərər də azalır. Bundan əlavə şirkət gələn il ilk Hidrogen Aviasiya mərkəzini açacaq və təyyarələrini burada hazırlayacaq.
