NASA-nın “Perseverance” roverindəki cihaz Marsda oksigen istehsal edərək yeni bir uğura imza atıb. ABŞ-ın Milli Aeronavtika və Kosmik Tədqiqatlar İdarəsi NASA, elmə yeni bir təməl qoyaraq bir neçə saat ərzində Marsda bir astronavt üçün kifayət qədər nəfəs ala biləcəyi oksigen istehsal edib. Toster ölçüsündə olan MOXIE adlı cihazın bir astronavtı bir neçə saat saxlamaq üçün kifayət qədər oksigen istehsal etməsi, gələcəyin planeti üçün ümidverici olub.
2021-ci ilin fevralında qırmızı planetə enən Perseverance rover iki ildən çoxdur ki, az miqdarda oksigen istehsal etmək üçün vaxtaşırı atmosferdə karbon qazı yandırır. MOXIE adlı cihazdan istifadə edərək NASA, marsda cəmi 122 qram oksigen çıxara bilib ki, bu da bir astronavtı təxminən üç saat saxlaya bilməyə yetərli səviyyədədir.
Təxminən 5 qram oksigenin bir astronavta 10 dəqiqə kifayət etdiyi və daha geniş miqyasda hazırlana bilməsi isə insan həyatını dəstəkləməsindən əlavə, gələcək kəşfiyyatlar zamanı raket yanacağı kimi də təmin oluna biləcəyi ifadə edilir. Mars atmosferinin 95%-nin karbon qazı olduğunu nəzərə alsaq, törəmə materialların qıtlığının olacağı düşünülmür. Bununla belə, prosesi sürətləndirmək üçün yeni yollar tapmaq lazımdır. Çünki planeti fəth etmək yolunda yeganə problem bu deyil. Şiddətli soyuq (orta temperatur -62 °C) skafandrsız insanı tez bir zamanda dondura bilər və eyni zamanda aşağı atmosfer təzyiqi qan dövranında problemlər yarada bilər. Kanserogen radiasiyanın yüksək səviyyəsi də digər bir problem olaraq qalır.
