Apple keçən ay süni intellekt və əsas dil modelləri ilə bağlı qapalı tədbir keçirmişdi, lakin bu günə qədər heç bir açıqlama verilməyib. Digər tərəfdən, New York Times-a görə, Siri üzərində işləyənlər də daxil olmaqla, bir çox komanda Apple-da müntəzəm olaraq generativ dil modeli konsepsiyaları üzərində işləməyə başlayıblar. Uzun müddətdir ki, Siri kimi virtual assistentlər fərqli vurğu ilə verilən sualları bir yana qoyaq, ümumiyyətlə insanları anlamaq və cavablandırmaqda çətinliklər çəkir. Digər tərəfdən, ChatGPT və digər əsas dil modelləri üzərində qurulmuş çatbotlar deyilən hər şeyi başa düşə, yeni ideyalar verə və yarada bilir.
Siri üzərində işləyən keçmiş Apple mühəndisi Johnn Burke NYT-yə müsahibəsində bildirib ki, siri səsli assitenti hazırlanmış olduğu kod səbəbi ilə yavaş təkamül keçirib və bu assistentin funksiyalarını təkmilləşdirməyi çətinləşdirir. Burke həmçinin qeyd edir ki, Siri-nin söz bazası da çox böyükdür. Mühəndislər yeni funksiya əlavə etməli olduğu zaman verilənlər bazasının qəlizliyi və söz bazası səbəbi ilə proseslər həftələrlə uzanır. Bundan əlavə, Apple şirkətinin generativ süni intellekt modelindən necə istifadə edəcəyi bəlli deyil. Hələlik onu Siri vasitəsilə çatdırmaq mümkün deyil, çünki Siri infrastrukturu bunu tez etmək üçün uyğun deyil.
New York Times, Apple şirkətinin öz dil modeli üzərində işlədiyini və ya mövcud olan üzərində cəmləşdiyini dəqiqləşdirmədi. Ancaq bir şey dəqiqdir ki, Apple sadəcə Google və Microsoft kimi səs köməkçisi ilə qalmayacaq. Digər tərəfdən, Apple artıq öz məhsullarına süni intellekt daxil edir. Apple Watch üzərindən toqquşmanın aşkarlanması, Face ID, klaviaturada söz təklifləri və müəlliflərə yanvar ayında kitablarını audiokitablara çevirməyə imkan verən süni intellektlə işləyən xidmət ilk ağla gələnlər arasındadır. Yəqin ki, qarşıdan gələn WWDC tədbirində Apple şirkətinin yeni süni intellekt modellərini görəcəyik.
